12.95C Vancouver 12.95C VancouverSep 19, 2025 1:48 PM - The Canadian Press
ਕੈਲਗਰੀ ਦੀ ਨੌਰਥਈਸਟ ਦਿਸ਼ਾ ਵਿਚ ਪੈਂਦੇ ਹਾਈਵੇਅ 566 ਨੇੜੇ ਦੋ ਵਾਹਨਾਂ ਵਿਚਕਾਰ ਟੱਕਰ ਹੋਣ ਕਾਰਨ ਬੁੱਧਵਾਰ ਰਾਤ ਇਕ ਔਰਤ ਤੇ ਇਕ ਬੱਚੇ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਬੱਚੇ ਜ਼ਖਮੀ ਹੋ ਗਏ।ਪੁਲਿਸ ਮੁਤਾਬਕ ਰਾਤ ਕਰੀਬ 10 ਵਜੇ ਹਾਈਵੇਅ 566 ਅਤੇ ਹਾਈਵੇਅ 9 ਦੇ ਚੌਰਾਹੇ 'ਤੇ ਕ੍ਰੈਸ਼ ਹੋਇਆ। ਉਨ੍ਹਾਂ ਦੱਸਿਆ ਕਿ ਉੱਤਰ ਵੱਲ ਤੋਂ ਜਾ ਰਿਹਾ ਡੌਜ ਰੈਮ ਪਿਕਅੱਪ ਟਰੱਕ ਸਾਊਥਬਾਊਂਡ ਤੋਂ ਆ ਰਹੇ ਸੈਮੀ ਟਰੱਕ ਨਾਲ ਟਕਰਾ ਗਿਆ।
ਇਸ ਕਾਰਨ ਪਿਕਅਪ ਟਰੱਕ ਵਿਚ ਅੱਗ ਲੱਗ ਗਈ, ਇਸ ਨੂੰ ਚਲਾ ਰਹੀ 36 ਸਾਲਾ ਔਰਤ ਅਤੇ 18 ਮਹੀਨਿਆਂ ਦੇ ਬੱਚੇ ਦੀ ਉੱਥੇ ਹੀ ਮੌਤ ਹੋ ਗਈ। ਔਰਤ ਹੰਨਾ ਦੀ ਰਹਿਣ ਵਾਲੀ ਸੀ। ਪਿਕਅਪ ਟਰੱਕ ਵਿੱਚ ਸਵਾਰ ਦੋ ਹੋਰ ਬੱਚਿਆਂ ਨੂੰ ਸੱਟਾਂ ਲੱਗੀਆਂ ਅਤੇ ਉਨ੍ਹਾਂ ਨੂੰ ਕੈਲਗਰੀ ਦੇ ਹਸਪਤਾਲ ਲਿਜਾਇਆ ਗਿਆ। ਉਨ੍ਹਾਂ ਦੀ ਮੌਜੂਦਾ ਹਾਲਤ ਬਾਰੇ ਜਾਣਕਾਰੀ ਨਹੀਂ ਮਿਲ ਸਕੀ। ਸੈਮੀ ਟਰੱਕ ਦੇ ਡਰਾਈਵਰ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ। ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
