12.16C Vancouver 12.16C VancouverJul 17, 2025 4:27 PM - The Canadian Press
ਲੈਂਗਲੀ ਪੁਲਿਸ ਨੇ ਬੀਤੀ ਦਿਨੀਂ ਇੱਕ ਔਰਤ 'ਤੇ ਅਣਪਛਾਤੀ ਵਸਤੂ ਨਾਲ ਹੋਏ ਹਮਲੇ ਦੇ ਸਬੰਧ ਵਿਚ 25 ਸਾਲਾ ਲੜਕੀ ਨੂੰ ਗ੍ਰਿਫਤਾਰ ਅਤੇ ਚਾਰਜ ਕੀਤਾ ਹੈ। ਇਸ ਹਮਲੇ ਵਿਚ 37 ਸਾਲਾ ਪੀੜਤ ਔਰਤ ਗੰਭੀਰ ਰੂਪ ਵਿਚ ਝੁਲਸ ਗਈ ਸੀ, ਜਿਸ ਕਾਰਨ ਉਸ ਨੂੰ ਹਸਪਤਾਲ ਵਿਚ ਦਾਖਲ ਹੋਣਾ ਪਿਆ ਸੀ।
ਆਰਸੀਐਮਪੀ ਨੇ ਕਿਹਾ ਕਿ ਇਹ ਘਟਨਾ 12 ਜੁਲਾਈ ਨੂੰ 204 ਸਟਰੀਟ ਅਤੇ ਲੋਗਨ ਐਵੇਨਿਊ ਨੇੜੇ ਟਰਾਂਜ਼ਿਟ ਬੱਸ ਲੂਪ ਕੋਲ ਵਾਪਰੀ ਸੀ। 15 ਜੁਲਾਈ ਨੂੰ ਅਧਿਕਾਰੀਆਂ ਨੇ ਕਥਿਤ ਹਮਲੇ ਦੇ ਸਬੰਧ ਵਿਚ 25 ਸਾਲਾ ਸਮੰਥਾ ਐਲਿਜ਼ਾਬੈਥ ਫਲੋਰੈਂਸ ਹਾਲ ਨੂੰ ਗ੍ਰਿਫਤਾਰ ਕੀਤਾ। ਪੁਲਿਸ ਨੇ ਉਸ 'ਤੇ ਹੁਣ ਗੰਭੀਰ ਹਮਲੇ ਦਾ ਦੋਸ਼ ਲਗਾਇਆ ਗਿਆ ਹੈ ਅਤੇ ਕਿਹਾ ਕਿ ਉਹ ਅਗਲੀ ਅਦਾਲਤ ਵਿਚ ਪੇਸ਼ੀ ਤੱਕ ਹਿਰਾਸਤ ਵਿਚ ਰਹੇਗੀ।
