8.07C Vancouver 8.07C VancouverOct 10, 2025 6:14 PM - The Canadian Press
ਸਕੁਆਮਿਸ਼ ਵਿਚ ਬੁੱਧਵਾਰ ਨੂੰ ਬੇਲੀ ਸਟ੍ਰੀਟ ਨੇੜੇ ਵਾਈਲਡਲਾਈਫ ਮੈਨੇਜਮੈਂਟ ਏਰੀਏ ਵਿਚ ਆਪਣੇ ਕੁੱਤੇ ਨੂੰ ਘੁਮਾ ਰਹੀ ਇੱਕ ਔਰਤ 'ਤੇ ਇੱਕ ਰਿੱਛ ਨੇ ਹਮਲਾ ਕਰ ਦਿੱਤਾ।ਬੀ.ਸੀ. ਕੰਜ਼ਰਵੇਸ਼ਨ ਔਫੀਸਰ ਸਰਵਿਸ ਨੇ ਹਮਲੇ ਦੀ ਪੁਸ਼ਟੀ ਕੀਤੀ ਅਤੇ ਦੱਸਿਆ ਕਿ ਇਹ ਇੱਕ ਫੀਮੇਲ ਰਿੱਛ ਸੀ ਜੋ ਆਪਣੇ ਬੱਚਿਆਂ ਨਾਲ ਸੀ।
ਅਧਿਕਾਰੀ ਨੇ ਕਿਹਾ ਕਿ ਔਰਤ ਨੂੰ ਹਲਕੇ ਸਕ੍ਰੈਚ ਲੱਗੇ ਸਨ ਅਤੇ ਉਹ ਵਾਲ ਵਾਲ ਬਚ ਗਈ ਤੇ ਉਸ ਨੂੰ ਡਾਕਟਰੀ ਸਹਾਇਤਾ ਦੀ ਲੋੜ ਨਹੀਂ ਪਈ। ਕੰਜ਼ਰਵੇਸ਼ਨ ਔਫੀਸਰ ਸਰਵਿਸ ਨੇ ਤੈਅ ਕੀਤਾ ਕਿ ਰਿੱਛ ਦਾ ਹਮਲਾ ਰੱਖਿਆਤਮਕ ਸੀ, ਜਿਸ ਦਾ ਕਾਰਨ ਔਰਤ ਅਤੇ ਉਸ ਦੇ ਬੰਨ੍ਹੇ ਹੋਏ ਕੁੱਤੇ ਦਾ ਫੀਮੇਲ ਰਿੱਛ ਅਤੇ ਉਸ ਦੇ ਬੱਚਿਆਂ ਦੇ ਬਹੁਤ ਨੇੜੇ ਜਾਣਾ ਹੋ ਸਕਦਾ ਹੈ।
ਘਟਨਾ ਤੋਂ ਬਾਅਦ ਇਲਾਕੇ ਵਿਚ ਸਾਈਨ ਲਗਾਏ ਗਏ ਹਨ ਅਤੇ ਅਧਿਕਾਰੀ ਸਥਿਤੀ ਦੀ ਨਿਗਰਾਨੀ ਕਰ ਰਹੇ ਹਨ। 2024 ਵਿਚ ਵੀ ਇਸੇ ਸਕੁਆਮਿਸ਼ ਐਸਟੁਰੀ ਵਾਈਲਡਲਾਈਫ ਮੈਨੇਜਮੈਂਟ ਏਰੀਏ ਵਿਚ ਦੋ ਵੱਖ-ਵੱਖ ਰਿੱਛਾਂ ਦੇ ਹਮਲੇ ਹੋਏ ਸਨ।
