13.66C Vancouver 13.66C VancouverJul 13, 2022 12:30 AM - Connect News
ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸ਼ਨੀਵਾਰ ਨੂੰ ਵੈਨਕੂਵਰ 'ਚ ਇੱਕ ਔਰਤ ਨੂੰ ਉਸ ਦੇ ਘਰ 'ਚ ਬੰਦੀ ਬਣਾ ਲਿਆ ਗਿਆ ਸੀ ਅਤੇ ਉਸ 'ਤੇ ਜਿਨਸੀ ਹਮਲਾ ਕੀਤਾ ਗਿਆ।
ਵੈਨਕੂਵਰ ਪੁਲਿਸ ਨੇ ਈਸਟ ਵੈਨਕੂਵਰ 'ਚ ਵਾਪਰੀ ਘਟਨਾ ਬਾਰੇ ਸੋਸ਼ਲ ਮੀਡੀਆ 'ਤੇ ਜਾਣਕਾਰੀ ਸਾਂਝੀ ਕੀਤੀ।
ਪੁਲਿਸ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਇੱਕ 911 ਕਾਲ ਤੋਂ ਬਾਅਦ ਸ਼ੁਰੂ ਕੀਤੀ ਗਈ ਸੀ।
ਮਾਮਲੇ 'ਚ ਇੱਕ 32 ਸਾਲਾ ਯੁਵਕ 'ਤੇ ਦੋਸ਼ ਲੱਗੇ ਹਨ।
ਇਸ ਯੁਵਕ ਦੀ ਪਛਾਣ ਹੌਵਰਡ ਲੈਥਬ੍ਰਿਜ ਵਜੋਂ ਹੋਈ ਹੈ।
ਪੁਲਿਸ ਅਨੁਸਾਰ ਸ਼ੱਕੀ ਪੀੜਤ ਔਰਤ ਨੂੰ ਜਾਣਦਾ ਨਹੀਂ ਸੀ।
ਇਸ ਤੋਂ ਇਲਾਵਾ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਇਹ ਵਾਰਦਾਤ ਈਸਟ ਬਰੌਡਵੇ ਅਤੇ ਕੈਰੋਲੀਨਾ ਸਟ੍ਰੀਟ ਦੇ ਇਲਾਕੇ 'ਚ ਇੱਕ ਅਪਾਰਟਮੈਂਟ 'ਚ ਵਾਪਰੀ ਸੀ।
ਇਸ ਮਾਮਲੇ 'ਚ ਯੁਵਕ 'ਤੇ ਜਿਨਸੀ ਹਮਲਾ, ਗੈਰਕਨੂੰਨੀ ਢੰਗ ਨਾਲ ਬੰਦੀ ਬਣਾਉਣ, ਬਰੇਕ ਐਂਡ ਐਂਟਰ ਅਤੇ ਪੀਸ ਅਫ਼ਸਰ ਨੂੰ ਅੜਿੱਕੇ ਪੇਸ਼ ਕਰਨ ਦੇ ਦੋਸ਼ ਲੱਗੇ ਹਨ।
ਲੈਥਬ੍ਰਿਜ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ ਅਤੇ ਉਸ ਦੀ ਜਮਾਨਤ ਸੰਬੰਧੀ ਸੁਣਵਾਈ ਲਈ ਪੇਸ਼ੀ ਵੀਰਵਾਰ ਨੂੰ ਹੋਵੇਗੀ।
