22.35C Vancouver 22.35C VancouverFeb 20, 2025 3:50 PM - The Canadian Press
ਸਾਊਥਵੈਸਟ ਕੈਲਗਰੀ ਦੇ ਇਕ ਘਰ ਵਿਚ ਕਾਰਬਨ ਮੋਨੋਆਕਸਾਈਡ ਲੀਕ ਹੋਣ ਕਾਰਨ ਇਕ ਔਰਤ ਦੀ ਮੌਤ ਹੋ ਗਈ ਅਤੇ ਬੱਚਾ ਹਸਪਤਾਲ ਵਿਚ ਦਾਖ਼ਲ ਹੈ। ਪੁਲਿਸ ਅਤੇ ਫਾਇਰ ਔਫੀਸ਼ੀਅਲਜ਼ ਨੂੰ ਸ਼ਾਅਮੀਡੋਜ਼ ਕ੍ਰੇਸੈਂਟ ਸਾਊਥ ਵੈਸਟ ਦੇ ਇਕ ਘਰ ਵਿਚ ਮੰਗਲਵਾਰ ਦੁਪਹਿਰ ਮਦਦ ਲਈ ਬੁਲਾਇਆ ਗਿਆ ਸੀ। ਉਨ੍ਹਾਂ ਨੂੰ ਇੱਥੇ ਇਕ ਔਰਤ ਅਤੇ ਬੱਚਾ ਬੇਹੋਸ਼ੀ ਦੀ ਹਾਲਤ ਵਿਚ ਮਿਲੇ।
ਪੁਲਿਸ ਮੁਤਾਬਕ ਦੋਹਾਂ ਨੂੰ ਹਸਪਤਾਲ ਲੈ ਜਾਇਆ ਗਿਆ ਪਰ ਔਰਤ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਬੱਚੇ ਦੀ ਹਾਲਤ ਪਹਿਲਾਂ ਗੰਭੀਰ ਸੀ ਪਰ ਹੁਣ ਉਸ ਦੀ ਹਾਲਤ ਵਿਚ ਸੁਧਾਰ ਦੱਸਿਆ ਜਾ ਰਿਹਾ ਹੈ।
ATCO ਦੇ ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਕਾਰਬਨ ਮੋਨੋਆਕਸਾਈਡ ਘਰ ਵਿਚ ਰੱਖੀ ਭੱਠੀ ਵਿਚੋਂ ਹੌਲੀ-ਹੌਲੀ ਲੀਕ ਹੋਈ। ਘਰ ਵਿਚ ਕਾਰਬਨ ਮੋਨੋਆਕਸਾਈਡ ਦਾ ਅਲਾਰਮ ਨਾ ਹੋਣ ਕਾਰਨ ਪਰਿਵਾਰ ਨੂੰ ਇਸ ਬਾਰੇ ਪਤਾ ਨਹੀਂ ਲੱਗਾ। ਔਰਤ ਦੀ ਮੌਤ ਗੈਰ-ਅਪਰਾਧਿਕ ਮਾਮਲਾ ਹੈ। ਫਿਲਹਾਲ ਉਸ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ।
