17.23C Vancouver 17.23C VancouverJan 7, 2021 8:38 PM -
ਯੂ.ਐਸ. ਕੈਪੀਟਲ 'ਚ ਜਾਨ ਗਵਾਉਣ ਵਾਲੀ ਔਰਤ ਦੀ ਪਛਾਣ ਜਨਤਕ ਕੀਤੀ ਗਈ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੀੜਤ ਔਰਤ ਦੀ ਪਛਾਣ 35 ਸਾਲਾ ਐਸ਼ਲੀ ਬੈਬਿਟ ਵਜੋਂ ਹੋਈ ਹੈ।
ਪਰਿਵਾਰ ਅਤੇ ਸੋਸ਼ਲ ਮੀਡੀਆ ਅਕਾਊਂਟਸ ਅਨੁਸਾਰ ਇਹ ਔਰਤ ਸੈਨ ਡੀਐਗੋ ਦੀ ਰਹਿਣ ਵਾਲੀ ਇੱਕ ਏਅਰ ਫੋਰਸ ਵੈਟਰਨ ਸੀ ਅਤੇ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੇ ਦਫ਼ਤਰ 'ਚ ਬਣੇ ਰਹਿਣ ਦੀ ਸਮਰਥਕ ਸੀ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਔਰਤ ਉਸ ਭੀੜ 'ਚ ਸ਼ਾਮਿਲ ਸੀ, ਜੋ ਇੱਕ ਬੈਰੀਕੇਡ ਕੀਤੇ ਕਮਰੇ 'ਚ ਤੋੜਭੰਨ ਕਰ ਦਾਖਿਲ ਹੋਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਇਸ ਔਰਤ ਦਾ ਸਾਲ 2019 'ਚ ਵਿਆਹ ਹੋਇਆ ਸੀ ਅਤੇ ਉਹ ਆਪਣੀ ਪਤੀ ਨਾਲ ਮਿਲ ਕੇ ਇੱਕ ਪੂਲ ਕੰਪਨੀ ਚਲਾ ਰਹੀ ਸੀ।
ਉਸ ਦੇ ਪਤੀ ਨੇ ਕਿਹਾ ਕਿ, "ਐਸ਼ਲੀ ਆਪਣੇ ਦੇਸ਼ ਨੂੰ ਪਿਆਰ ਕਰਦੀ ਸੀ ਅਤੇ ਅਜਿਹਾ ਕੰਮ ਕਰ ਰਹੀ ਸੀ, ਜੋ ਉਸ ਨੂੰ ਆਪਣੇ ਦੇਸ਼ ਦਾ ਸਹਿਯੋਗ ਕਰਨ ਲਈ ਸਹੀ ਲੱਗ ਰਿਹਾ ਸੀ।"
