14.34C Vancouver 14.34C VancouverJul 8, 2022 10:20 PM - The Canadian Press
ਸਰੀ ਵਿੱਚ ਇੱਕ ਘਰ 'ਚ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ ਹੈ।
ਘਟਨਾ 'ਚ ਇੱਕ ਔਰਤ ਦੇ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਤੜਕੇ ਕਰੀਬ 3.41 ਵਜੇ 'ਤੇ 151ਬੀ ਸਟ੍ਰੀਟ ਦੇ 8600 ਬਲੌਕ 'ਚ ਸੱਦਿਆ ਗਿਆ ਸੀ।
ਇਲਾਕੇ 'ਚ ਸਥਿਤ ਇੱਕ ਘਰ 'ਚ ਗੋਲੀ ਚੱਲਣ ਦੀ ਜਾਣਕਾਰੀ ਮਿਲੀ ਸੀ।
ਮੌਕੇ 'ਤੇ ਪਹੁੰਚ ਅਫਸਰਾਂ ਨੂੰ ਇੱਕ ਔਰਤ ਜਖਮੀ ਹਾਲਤ 'ਚ ਮਿਲੀ।
ਪੀੜਤ ਦੀ ਉਮਰ 40 ਸਾਲ ਦੱਸੀ ਗਈ ਹੈ।
ਔਰਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਅਤੇ ਉਸ ਦੀ ਹਾਲਤ ਸਥਿਰ ਦੱਸੀ ਗਈ ਹੈ।
ਪੁਲਿਸ ਅਨੁਸਾਰ ਮਾਮਲੇ 'ਚ ਇੱਕ ਸ਼ੱਕੀ ਮੌਕੇ ਤੋਂ ਨਿਕਲ ਗਿਆ ਸੀ।
ਉਸ ਦੇ ਇਲਾਕੇ ਵਿੱਚੋਂ ਤੁਰ ਕੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ।
ਜਾਂਚ ਅਧਿਕਾਰੀ ਇਲਾਕੇ 'ਚ ਸਰਵੇਲੈਂਸ ਫੁਟੇਜ ਖੰਗਾਲ ਰਹੇ ਹਨ।
ਘਟਨਾ ਦੇ ਕਾਰਨ ਸੰਬੰਧੀ ਫਿਲਹਾਲ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਸੰਬੰਧੀ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
