ਡੈਲਟਾ ਦੇ ਖੇਤ ’ਚ ਅੱਗ ਲੱਗਣ ਤੋਂ ਬਾਅਦ ਮਿਲੀ ਮਹਿਲਾ ਦੀ ਲਾਸ਼, ਜਾਂਚ ਜਾਰੀ

ਡੈਲਟਾ ਵਿਚ ਬੁੱਧਵਾਰ ਸਵੇਰੇ ਇੱਕ ਖੇਤ ਵਿਚ ਅੱਗ ਲੱਗਣ ਦੀ ਘਟਨਾ ਤੋਂ ਬਾਅਦ ਇੱਕ ਮਹਿਲਾ ਦੀ ਲਾਸ਼ ਮਿਲਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਡੈਲਟਾ ਪੁਲਿਸ ਵਿਭਾਗ ਵੱਲੋਂ ਜਾਰੀ ਇੱਕ ਸੰਖੇਪ ਬਿਆਨ ਮੁਤਾਬਕ, ਔਫੀਸਰ ਨੂੰ ਸਵੇਰੇ ਕਰੀਬ 6:10 ਵਜੇ ਰਿਵਰ ਰੋਡ ਦੇ 6400 ਬਲਾਕ ਵਿਚ ਸਥਿਤ ਇੱਕ ਖੇਤ ਵਿਚ ਸੱਦਿਆ ਗਿਆ ਸੀ, ਜਿੱਥੇ ਅੱਗ ਲੱਗਣ ਅਤੇ ਇੱਕ ਮਹਿਲਾ ਦੀ ਮ੍ਰਿਤਕ ਦੇਹ ਹੋਣ ਦੀ ਰਿਪੋਰਟ ਮਿਲੀ ਸੀ।

ਇਹ ਇਲਾਕਾ ਫਰੇਜ਼ਰ ਰਿਵਰ ਦੇ ਬਿਲਕੁਲ ਸਾਊਥ ਵਿਚ Deas Slough Bridge ਦੇ ਨੇੜੇ ਸਥਿਤ ਹੈ। ਜਾਂਚਕਰਤਾ ਅਜੇ ਤੱਕ ਮਹਿਲਾ ਦੀ ਪਛਾਣ ਦੀ ਪੁਸ਼ਟੀ ਕਰਨ ਅਤੇ ਉਸ ਦੀ ਮੌਤ ਦੇ ਅਸਲ ਕਾਰਨਾਂ ਅਤੇ ਹਾਲਾਤ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪੁਲਿਸ ਵੱਲੋਂ ਫਿਲਹਾਲ ਇਸ ਨੂੰ ਇੱਕ ਸ਼ੱਕੀ ਮੌਤ ਵਜੋਂ ਦੇਖਿਆ ਜਾ ਰਿਹਾ ਹੈ ਅਤੇ ਇਸ ਸਬੰਧੀ ਅਜੇ ਹੋਰ ਵੇਰਵੇ ਜਾਰੀ ਨਹੀਂ ਕੀਤੇ ਗਏ ਹਨ।