14.13C Vancouver 14.13C VancouverJul 30, 2021 7:30 PM -
ਕੈਨੇਡਾ ਨੂੰ ਟੋਕਿਓ ਖੇਡਾਂ ਦੇ 7ਵੇਂ ਦਿਨ ਰੋਇੰਗ 'ਚ ਗੋਲਡ ਮੈਡਲ ਹਾਸਿਲ ਹੋਇਆ।
ਔਰਤਾਂ ਦੇ 'ਕੌਕਸਡ ਏਟਸ' ਈਵੈਂਟ 'ਚ ਕੈਨੇਡਾ ਨੇ ਗੋਲਡ ਮੈਡਲ ਜਿੱਤਿਆ।
ਹਾਲਾਂਕਿ ਇਹ ਜਿੱਤ ਬੇਹੱਦ ਮੁਸ਼ਕਿਲ ਸੀ ਜਦ ਨਿਊਜ਼ੀਲੈਂਡ ਨੇ ਈਵੈਂਟ ਦੇ ਅੰਤ ਤਕ ਕੈਨੇਡਾ ਨੂੰ ਕਰੜੀ ਟੱਕਰ ਦਿੱਤੀ।
ਹਾਲਾਂਕਿ ਕੈਨੇਡਾ ਦੀਆਂ ਖਿਡਾਰਨਾਂ ਜਿੱਤ ਦਰਜ ਕਰਨ ਤੋਂ ਬਾਅਦ ਖੁਸ਼ੀ ਦੇ ਹੰਝੂ ਨਹੀਂ ਰੋਕ ਸਕੀਆਂ।
ਸਾਲ 1992 ਦੀਆਂ ਬਾਰਸੀਲੋਨਾ ਓਲੰਪਿਕਸ ਤੋਂ ਬਾਅਦ ਇਹ ਪਹਿਲਾਂ ਮੌਕਾ ਹੈ ਜਦ ਕੈਨੇਡਾ ਨੇ ਇਸ ਈਵੈਂਟ 'ਚ ਓਲੰਪਿਕ ਖੇਡਾਂ 'ਚ ਗੋਲਡ ਮੈਡਲ ਜਿੱਤਿਆ ਹੈ।
ਕੈਨੇਡਾ ਨੇ 5 ਮਿੰਟ 59.13 ਸੈਕਿੰਡਸ ਦੀ ਟਾਈਮਿੰਗ ਨਾਲ ਗੋਲਡ ਮੈਡਲ ਜਿੱਤਿਆ।
ਨਿਊਜ਼ੀਲੈਂਡ ਨੂੰ ਇਸ ਈਵੈਂਟ 'ਚ ਸਿਲਵਰ ਅਤੇ ਚੀਨ ਨੂੰ ਕਾਂਸੀ ਦਾ ਤਗਮਾ ਹਾਸਿਲ ਹੋਇਆ।
ਕੈਨੇਡਾ ਜਿੱਤ ਚੁੱਕਿਆ 11 ਮੈਡਲ
ਟੋਕਿਓ ਖੇਡਾਂ ਦੇ 7ਵੇਂ ਦਿਨ ਕੈਨੇਡਾ ਦੀ ਝੋਲੀ 'ਚ ਇੱਕ ਸੋਨ ਤਗਮਾ ਪਿਆ।
ਇਸ ਦੇ ਨਾਲ ਹੀ ਹੁਣ ਕੈਨੇਡਾ ਦੇ ਖਾਤੇ 'ਚ ਕੁੱਲ 11 ਤਗਮੇ ਪੈ ਗਏ ਹਨ ਜਿਸ 'ਚ 3 ਗੋਲਡ ਮੈਡਲ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਕੈਨੇਡਾ ਨੇ 3 ਸਿਲਵਰ ਅਤੇ 5 ਕਾਂਸੀ ਦੇ ਤਗਮੇ ਜਿੱਤੇ ਹਨ।
ਖਾਸ ਗੱਲ ਇਹ ਹੈ ਕਿ ਹੁਣ ਤਕ ਕੈਨੇਡਾ ਦੀ ਝੋਲੀ 'ਚ ਸਾਰੇ ਤਗਮੇ ਮਹਿਲਾ ਖਿਡਾਰਨਾਂ ਨੇ ਪਾਏ ਹਨ।
