12.98C Vancouver 12.98C VancouverNov 5, 2024 6:03 PM - Connect Newsroom
ਬੀ.ਸੀ. ਬੰਦਰਗਾਹਾਂ ’ਤੇ ਕੰਮ ਰੁਕਣ ਨਾਲ ਪ੍ਰਤੀ ਦਿਨ $800 ਮਿਲੀਅਨ ਦਾ ਮਾਲ ਪ੍ਰਭਾਵਿਤ ਹੋਣ ਦਾ ਖ਼ਦਸ਼ਾ ਹੈ। ਬੀ.ਸੀ. ਮੈਰੀਟਾਈਮ ਇੰਪਲਾਇਅਰਜ਼ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਫੋਰਮੈਨ ਵਰਕਰਾਂ ਵਲੋਂ ਬੀਤੇ ਕੱਲ੍ਹ ਹੜਤਾਲ ਸ਼ੁਰੂ ਕਰਨ ਦੇ ਮੱਦੇਨਜ਼ਰ ਉਸ ਨੇ ਵੀ ਯੂਨੀਅਨ ਦੇ ਮੈਂਬਰਾਂ ਨੂੰ ਕੰਮ ਤੋਂ ਰੋਕ ਦਿੱਤਾ ਹੈ।
ਇਸ ਵਿਚਕਾਰ ਸਭ ਤੋਂ ਵੱਧ ਚਿੰਤਤ ਕਾਰੋਬਾਰੀ ਹਨ, ਜਿਨ੍ਹਾਂ ਨੂੰ ਪਹਿਲਾਂ ਰੇਲਵੇ ਦੀ ਹੜਤਾਲ ਕਾਰਨ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਸੀ। ਉਥੇ ਹੀ, ਪਿਛਲੇ ਸਾਲ ਬੰਦਰਗਾਹ ਵਰਕਰ ਦੀ 13 ਦਿਨਾਂ ਦੀ ਹੜਤਾਲ ਨੇ ਬੰਦਰਗਾਹਾਂ ’ਤੇ ਅਰਬਾਂ ਡਾਲਰ ਦਾ ਵਪਾਰ ਠੱਪ ਕਰ ਦਿੱਤਾ ਸੀ।
ਗ੍ਰੇਟਰ ਵੈਨਕੂਵਰ ਬੋਰਡ ਆਫ਼ ਟਰੇਡ ਦੇ ਪ੍ਰਧਾਨ ਬ੍ਰਿਜਿਟ ਐਂਡਰਸਨ ਨੇ ਕਿਹਾ ਕਿ ਨਵੀਨਤਮ ਪੋਰਟ ਬੰਦ ਨਾਲ ਹਰ ਰੋਜ਼ $800 ਮਿਲੀਅਨ ਦੇ ਸਾਮਾਨ ਦੀ ਆਵਾਜਾਈ ਪ੍ਰਭਾਵਿਤ ਹੋਵੇਗੀ ਅਤੇ ਇਸ ਨਾਲ ਮਹਿੰਗਾਈ ਵੀ ਵਧੇਗੀ। ਇਸ ਨਾਲ ਕੈਨੇਡਾ ਦੀ ਆਰਥਿਕਤਾ ਅਤੇ ਅੰਤਰਰਾਸ਼ਟਰੀ ਵੱਕਾਰ ਨੂੰ ਵੀ ਨੁਕਸਾਨ ਹੋਵੇਗਾ।
