19.98C Vancouver 19.98C VancouverFeb 2, 2022 1:30 AM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਸੂਬੇ 'ਚ ਕੋਵਿਡ-19 ਸੰਬੰਧੀ ਐਂਟੀ-ਵਾਇਰਲ ਗੋਲੀ ਪੈਕਸਲੋਵਿਡ ਦੀ ਵਰਤੋਂ ਅਤੇ ਵੰਢ ਬਾਰੇ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਇਸ ਗੋਲੀ ਦੇ 4,000 ਕੋਰਸਿਸ ਪਹੁੰਚੇ ਹਨ ਅਤੇ ਇਹ ਗੋਲੀ ਫਿਲਹਾਲ ਕੋਵਿਡ-19 ਕਾਰਨ ਬਿਮਾਰ ਹੋਣ ਦੇ ਵਧੇਰੇ ਖਤਰੇ ਦਾ ਸਾਹਮਣਾ ਕਰ ਰਹੇ ਲੋਕਾਂ ਨੂੰ ਪ੍ਰਦਾਨ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਹੀ ਪਹਿਲਾਂ ਤੋਂ ਬਿਮਾਰੀਆਂ ਨਾਲ ਜੂਝ ਰਹੇ ਲੋਕਾਂ ਨੂੰ ਵੀ ਇਸ ਦੀ ਖੁਰਾਕ ਪ੍ਰਦਾਨ ਕੀਤੀ ਜਾ ਸਕੇਗੀ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਖੁਰਾਕਾਂ ਕਾਰਨ ਰੀਐਕਸ਼ਨ ਦਾ ਖਤਰਾ ਹੈ, ਅਤੇ ਇਸੇ ਕਾਰਨ ਬਹੁਤ ਸਾਰੇ ਲੋਕ ਜਿਹੜੇ ਕਿ ਬਿਮਾਰੀਆਂ ਦਾ ਸਾਹਮਣਾ ਕਰ ਰਹੇ ਹਨ, ਪਰ ਕੁਝ ਖਾਸ ਪ੍ਰਕਾਰ ਦੀਆਂ ਦਵਾਈਆਂ ਲੈ ਰਹੇ ਹਨ, ਉਨ੍ਹਾਂ ਨੂੰ ਪੈਕਸਲੋਵਿਡ ਦੀ ਖੁਰਾਕ ਪ੍ਰਦਾਨ ਨਹੀਂ ਕੀਤੀ ਜਾ ਸਕੇਗੀ।
ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਯੁਵਾ ਵਰਗ ਦੇ ਲਈ ਕੋਵਿਡ-19 ਦੇ ਬੂਸਟਰ ਡੋਜ ਪ੍ਰਦਾਨ ਕੀਤੇ ਜਾਣ ਲਈ 6 ਮਹੀਨੇ ਦਾ ਫਰਕ ਪਾਉਣਾ ਜਰੂਰੀ ਹੋਵੇਗਾ।
ਇਸ ਦਾ ਅਰਥ ਹੈ ਕਿ 12 ਤੋਂ 17 ਸਾਲ ਦੀ ਉਮਰ ਦੇ ਲੋਕਾਂ ਨੂੰ ਦੂਜੀ ਖੁਰਾਕ ਹਾਸਿਲ ਕਰਨ ਤੋਂ ਬਾਅਦ ਬੂਸਟਰ ਡੋਜ ਲਈ 6 ਮਹੀਨੇ ਦਾ ਫਰਕ ਪਾਉਣਾ ਜਰੂਰੀ ਹੋਵੇਗਾ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਹ ਫਰਕ ਨੈਸ਼ਨਲ ਐਡਵਾਈਜਰੀ ਕਮੇਟੀ ਔਨ ਇਮਿਊਨਾਈਜੇਸ਼ਨ ਯਾਨੀ ਕਿ ਨਾਸੀ ਦੀ ਸਿਫਾਰਸ਼ ਅਨੁਸਾਰ ਰੱਖਿਆ ਗਿਆ ਹੈ।
