15.43C Vancouver 15.43C VancouverMar 15, 2022 4:45 PM - The Canadian Press
ਯੂਕਰੇਨ ਦੇ ਰਾਸ਼ਟਰਪਤੀ ਵਲੇਦੀਮੀਰ ਜ਼ੇਲੇਨਸਕੀ ਨੇ ਅੱਜ ਕੈਨੇਡਾ ਦੀ ਪਾਰਲੀਮੈਂਟ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਰੂਸ ਉਹਨਾਂ ਦੇ ਮੁਲਕ ਨੂੰ ਤਬਾਹ ਕਰਨਾ ਚਾਹੁੰਦਾ ਹੈ।
ਵਿਡੀਉ ਲਿੰਕ ਦੇ ਜ਼ਰੀਏ ਇਹ ਗੱਲ ਬਾਤ ਕਰਦੇ ਹੋਏ ਰਾਸ਼ਟਰਪਤੀ ਜ਼ੇਲੇਨਸਕੀ ਨੇ ਕੈਨੇਡਾ ਦੇ ਲੋਕਾਂ ਨੂੰ ਦਰਖਵਾਸਤ ਕੀਤੀ ਕਿ ਸੋਚ ਕੇ ਦੇਖੋ ਜੇ ਕੋਈ ਤੁਹਾਡੇ ਸ਼ਹਿਰਾਂ ਤੇ ਇਸ ਤਰੀਕੇ ਬੰਬ ਸੁੱਟੇ ਅਤੇ ਤੁਹਾਡੇ ਘਰ ਤਬਾਹ ਕਰੇ ਤਾਂ ਤੁਹਾਨੂੰ ਕਿਹੋ ਜਿਹਾ ਲੱਗੇਗਾ।
ਉਹਨਾਂ ਨੇ ਕੈਨੇਡਾ ਦੀ ਸਰਕਾਰ ਵੱਲੋਂ ਹੁਣ ਤਕ ਲਗਾਈਆਂ ਗਈਆਂ ਸੈਂਕਸ਼ਨਾਂ ਲਈ ਸਰਕਾਰ ਦਾ ਧੰਨਵਾਦ ਕੀਤਾ ਪਰ ਨਾਲ ਹੀ ਕਿਹਾ ਕਿ ਇਹ ਸੈਂਕਸ਼ਨਾਂ ਰੂਸ ਨੂੰ ਇਹ ਹਮਲਾ ਕਰਨ ਤੋਂ ਰੋਕਣ ਲਈ ਨਾਕਾਫੀ ਸਾਬਿਤ ਹੋ ਰਹੀਆਂ ਹਨ।
ਉਹਨਾਂ ਨੇ ਕਿਹਾ ਜ਼ਰੂਰਤ ਹੈ ਕਿ ਕੈਨੇਡਾ ਨੋ-ਫਲਾਈ ਜ਼ੋਨ ਬਣਾਉਣ ਵਿੱਚ ਮੱਦਦ ਕਰੇ ਤਾਂ ਕਿ ਰੂਸ ਦੇ ਪਲੇਨਾਂ ਅਤੇ ਮੀਸਾਈਲਾਂ ਨੂੰ ਰੋਕਿਆ ਜਾ ਸਕੇ।
