News

ਬ੍ਰਿਟਿਸ਼ ਕੋਲੰਬੀਆ ਵਿਚ ਖੇਤਰੀ ਹਵਾਈ ਅੱਡੇ, ਹੈਲੀਪੋਰਟ ਅਤੇ ਵਾਟਰ ਐਰੋਡਰੋਮਜ਼ ਸੇਵਾਵਾਂ 'ਤੇ ਨਿਰਭਰ ਭਾਈਚਾਰੇ ਲਈ ਸਪੋਰਟ ਵਧਣ ਜਾ ਰਹੀ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਸਰਕਾਰ ਨੇ ਇਸ ਸਾਲ ਬੀ.ਸੀ. ਏਅਰ ਐਕਸੈਸ ਪ੍ਰੋਗਰਾਮ ਤਹਿਤ $6.2 ਮਿਲੀਅਨ ਖ਼ਰਚ ਕਰਨ ਦਾ ਐਲਾਨ ਕੀਤਾ ਹੈ।

ਕੈਨੇਡਾ ਵਿਚ ਅਮਰੀਕੀ ਅਤੇ ਵਿਦੇਸ਼ੀ ਵਿਜ਼ਟਰ ਦੋਵਾਂ ਵਿਚ ਲਗਾਤਾਰ ਗਿਰਾਵਟ ਦੇਖੀ ਜਾ ਰਹੀ ਹੈ, ਸਟੈਟਿਸਟਿਕਸ ਕੈਨੇਡਾ ਦੀ ਨਵੀਨਤਮ ਰਿਪੋਰਟ ਮੁਤਾਬਕ, ਅਪ੍ਰੈਲ ਵਿਚ ਅਮਰੀਕੀ ਨਿਵਾਸੀਆਂ ਵਲੋਂ ਕੈਨੇਡਾ ਦੀ ਯਾਤਰਾ ਵਿਚ ਸਾਲ-ਦਰ-ਸਾਲ ਦੇ ਆਧਾਰ 'ਤੇ 8.9 ਫੀਸਦੀ ਦੀ ਕਮੀ ਦਰਜ ਕੀਤੀ ਗਈ, ਜਦੋਂ ਕਿ ਹੋਰ ਵਿਦੇਸ਼ੀ ਨਿਵਾਸੀਆਂ ਵਲੋਂ ਕੈਨੇਡਾ ਦੀ ਯਾਤਰਾ ਵਿਚ 0.6 ਫੀਸਦੀ ਦੀ ਕਮੀ ਆਈ ਹੈ।

ਸਰੀ ਦੀ ਮੇਅਰ ਬ੍ਰੈਂਡਾ ਲੌਕ ਵੀ ਲਾਰੈਂਸ ਬਿਸ਼ਨੋਈ ਗੈਂਗ ਨੂੰ ਅੱਤਵਾਦੀ ਸੰਗਠਨ ਐਲਾਨੇ ਜਾਣ ਦੀ ਮੰਗ ਵਿਚ ਸ਼ਾਮਲ ਹੋ ਗਏ ਹਨ। ਉਨ੍ਹਾਂ ਪ੍ਰਧਾਨ ਮੰਤਰੀ ਨੂੰ ਇਸ ਸਬੰਧ ਵਿਚ ਅੱਜ ਇੱਕ ਪੱਤਰ ਲਿਖ ਕੇ ਇਸ ਦੀ ਮੰਗ ਕੀਤੀ ਹੈ। ਸਰੀ ਮੇਅਰ ਨੇ ਕਿਹਾ ਕਿ ਲਾਰੈਂਸ ਗੈਂਗ ਸਮੇਤ ਦੱਖਣੀ ਏਸ਼ੀਆਈ ਕਮਿਊਨਿਟੀ ਨੂੰ ਨਿਸ਼ਾਨਾ ਬਣਾ ਕੇ ਜ਼ਬਰੀ ਵਸੂਲੀ ਅਤੇ ਹਿੰਸਾ ਵਿਚ ਸ਼ਾਮਲ ਕਿਸੇ ਵੀ ਹੋਰ ਸਮੂਹ ਨੂੰ ਕੈਨੇਡਾ ਦੇ ਕਾਨੂੰਨ ਤਹਿਤ ਅੱਤਵਾਦੀ ਸੰਗਠਨ ਦੀ ਸੂਚੀ ਵਿਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ।

ਪ੍ਰਿੰਸ ਰੂਪਰਟ ਵਿਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀ ਜਾਂਚ ਦੇ ਸਬੰਧ ਵਿਚ 9 ਐਮਐਮ ਹੈਂਡਗਨ ਅਤੇ ਇੱਕ ਟਿੱਕਾ ਰਾਈਫਲ ਸਮੇਤ ਕਈ ਹਥਿਆਰ ਅਤੇ ਮੈਥਾਮਫੇਟਾਮਾਈਨ, ਕੋਕੀਨ ਵਰਗੇ ਗੰਭੀਰ ਨਸ਼ੇ ਦੀ ਤਸਕਰੀ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਬ੍ਰਿਟਿਸ਼ ਕੋਲੰਬੀਆ ਦੀ ਸੰਯੁਕਤ ਫੋਰਸਾਂ ਦੇ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਦੀ ਅਗਵਾਈ ਹੇਠ ਇਸ ਮਾਮਲੇ ਵਿਚ 14 ਮਹੀਨੇ ਲੰਮੀ ਜਾਂਚ ਚੱਲੀ ਅਤੇ ਪੰਜ ਜੂਨ ਨੂੰ 4 ਮੁਲਜ਼ਮਾਂ 'ਤੇ 28 ਦੋਸ਼ ਲਗਾਏ ਗਏ।

ਕੈਨੇਡਾ ਸਣੇ ਨੈਟੋ ਦੇ ਸਾਥੀ ਮੁਲਕਾਂ ਨੇ ਅਗਲੇ 10 ਸਾਲਾਂ ਵਿਚ ਡਿਫੈਂਸ ਖ਼ਰਚ ਨੂੰ ਜੀਡੀਪੀ ਦੇ ਪੰਜ ਫੀਸਦੀ ਤੱਕ ਵਧਾਉਣ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਇਸ ਮਤਲਬ ਹੈ ਕਿ ਔਟਵਾ ਸਮੇਤ ਪੱਛਮੀ ਮੁਲਕ 2035 ਤੱਕ ਡਿਫੈਂਸ ਉੱਤੇ ਵੱਡਾ ਇਨਵੈਸਟ ਕਰਨ ਜਾ ਰਹੇ ਹਨ।