ਗਰਮੀ ਕਾਰਨ ਸੱਤ ਹੋਮਗਾਰਡਾਂ ਸਮੇਤ 13 ਲੋਕਾਂ ਦੀ ਮੌਤ, ਚੋਣਾਂ ’ਚ ਲੱਗੀ ਸੀ ਡਿਊਟੀ

ਉੱਤਰ ਪ੍ਰਦੇਸ਼ ’ਚ ਭਿਆਨਕ ਗਰਮੀ ਦਾ ਕਹਿਰ ਜਾਰੀ ਹੈ। ਸ਼ੁੱਕਰਵਾਰ ਨੂੰ ਮਿਰਜ਼ਾਪੁਰ ਦੇ ਡਿਵੀਜ਼ਨਲ ਹਸਪਤਾਲ ’ਚ ਅੱਤ ਦੀ ਗਰਮੀ ਕਾਰਨ ਚੋਣ ਡਿਊਟੀ ਤੇ ਹੋਰ ਥਾਵਾਂ ’ਤੇ ਤਾਇਨਾਤ ਸੱਤ ਹੋਮਗਾਰਡਾਂ ਸਮੇਤ ਕੁੱਲ 13 ਵਿਅਕਤੀਆਂ ਦੀ ਮੌਤ ਹੋ ਗਈ।

ਹਸਪਤਾਲ ’ਚ 40 ਦੇ ਕਰੀਬ ਹੋਮ ਗਾਰਡ, ਪੀਏਸੀ ਅਤੇ ਪੁਲਿਸ ਮੁਲਾਜ਼ਮਾਂ ਨੂੰ ਭਰਤੀ ਕਰਵਾਇਆ ਗਿਆ ਹੈ। ਇਨ੍ਹਾਂ ਵਿੱਚੋਂ ਪੰਜ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ।

ਚੋਣ ਡਿਊਟੀ ’ਚ ਲੱਗੇ ਪੰਜ ਹੋਮ ਗਾਰਡਾਂ, ਸੀਐੱਮਓ ਦਫ਼ਤਰ ਵਿੱਚ ਤਾਇਨਾਤ ਇਕ ਕਲਰਕ ਅਤੇ ਸਵੀਪਰ ਦੀ ਮੌਤ ਦੀ ਸੂਚਨਾ ਮਿਲਣ ’ਤੇ ਜ਼ਿਲ੍ਹਾ ਚੋਣ ਅਫ਼ਸਰ ਪ੍ਰਿਅੰਕਾ ਨਿਰੰਜਨ, ਪੁਲਿਸ ਸੁਪਰਡੈਂਟ ਅਭਿਨੰਦਨ ਅਤੇ ਮੈਡੀਕਲ ਕਾਲਜ ਦੇ ਪ੍ਰਿੰਸੀਪਲ ਡਾਆਰਬੀ ਕਮਲ ਨੇ ਹਸਪਤਾਲ ਪਹੁੰਚ ਕੇ ਘਟਨਾ ਦੀ ਜਾਣਕਾਰੀ ਲਈ।