16.17C Vancouver 16.17C VancouverFeb 24, 2022 9:12 PM - The Canadian Press
ਬੁੱਧਵਾਰ ਨੂੰ ਬੀ.ਸੀ. 'ਚ ਤਾਪਮਾਨ ਸੰਬੰਧੀ ਇੱਕ ਦਰਜਨ ਤੋਂ ਵਧੇਰੇ ਰਿਕਾਰਡ ਟੁੱਟ ਗਏ।
ਸੂਬੇ ਦੇ ਕਈ ਇਲਾਕਿਆਂ 'ਚ ਬੇਹੱਦ ਠੰਡੇ ਤਾਪਮਾਨ ਨੇ ਦਸਤਕ ਦਿੱਤੀ ਹੈ।
ਐਨਵਾਇਰਨਮੈਂਟ ਕੈਨੇਡਾ ਵੱਲੋਂ ਸਾਂਝੇ ਕੀਤੇ ਗਏ ਡਾਟਾ ਅਨੁਸਾਰ ਬੁੱਧਵਾਰ ਨੂੰ 17 ਰਿਕਾਰਡ ਟੁੱਟ ਗਏ ਹਨ।
ਇਸੇ ਦੌਰਾਨ ਡੰਕਨ ਦੇ ਇਲਾਕੇ 'ਚ ਇੱਕ ਸਦੀ ਤੋਂ ਵੀ ਪੁਰਾਣਾ ਰਿਕਾਰਡ ਟੁੱਟਣ ਦੀ ਜਾਣਕਾਰੀ ਦਿੱਤੀ ਗਈ।
ਬੁੱਧਵਾਰ ਸਵੇਰ ਦੇ ਸਮੇਂ ਇਲਾਕੇ 'ਚ ਦਰਜ ਕੀਤੇ ਗਏ -7.7 ਡਿਗਰੀ ਦੇ ਤਾਪਮਾਨ ਨਾਲ ਸਾਲ 1917 ਦਾ -7.2 ਡਿਗਰੀ ਦਾ ਰਿਕਾਰਡ ਟੁੱਟ ਗਿਆ।
ਇਸ ਤੋਂ ਇਲਾਵਾ ਕੈਂਪਬੈਲ ਰਿਵਰ ਦੇ ਇਲਾਕੇ 'ਚ -9.5 ਡਿਗਰੀ ਦੇ ਤਾਪਮਾਨ ਨਾਲ ਸਾਲ 1982 ਦਾ ਰਿਕਾਰਡ ਟੁੱਟ ਗਿਆ।
ਹੋਪ ਸਲਾਈਡ ਇਲਾਕੇ 'ਚ -16.5 ਡਿਗਰੀ ਦੇ ਤਾਪਮਾਨ ਨਾਲ ਸਾਲ 1979 ਦਾ ਰਿਕਾਰਡ ਟੁੱਟ ਗਿਆ।
ਪੋਰਟ ਐਲਬਰਨੀ ਦੇ ਇਲਾਕੇ 'ਚ -9.5 ਡਿਗਰੀ ਦੇ ਤਾਪਮਾਨ ਨਾਲ ਸਾਲ 1922 ਦਾ ਰਿਕਾਰਡ ਟੁੱਟਣ ਦੀ ਜਾਣਕਾਰੀ ਦਿੱਤੀ ਗਈ।
ਪੌਵੈਲ ਰਿਵਰ, ਕੁਆਲਿਕਮ ਬੀਚ, ਸਪਾਰਵੁਡ, ਸਕਵਾਮਿਸ਼ ਅਤੇ ਕਈ ਹੋਰ ਇਲਾਕਿਆਂ 'ਚ ਵੀ ਘਟ ਤਾਪਮਾਨ ਦੇ ਰਿਕਾਰਡ ਟੁੱਟਣ ਦੀ ਜਾਣਕਾਰੀ ਦਿੱਤੀ ਗਈ।
