11.46C Vancouver 11.46C VancouverMay 22, 2025 1:05 PM - The Associated Press
ਅਮਰੀਕਾ ਦੀ ਰਾਜਧਾਨੀ ਵਾਸ਼ਿੰਗਟਨ ਡੀਸੀ ਵਿਚ ਇਜ਼ਰਾਈਲੀ ਦੂਤਾਵਾਸ ਦੇ ਦੋ ਕਰਮਚਾਰੀਆਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਸਾਰਾਹ ਲਿਨ ਮਿਲਗ੍ਰੀਮ ਅਤੇ ਯਾਰੋਨ ਲਿਸਿੰਸਕੀ ਨਾਂ ਦਾ ਇਹ ਸਟਾਫ਼ਰ ਇੱਕ ਜੋੜਾ ਸੀ ਜੋ ਮੰਗਣੀ ਕਰਨ ਵਾਲਾ ਸੀ। ਇਹ ਘਟਨਾ ਬੁੱਧਵਾਰ ਰਾਤ ਵਾਪਰੀ।
ਅਧਿਕਾਰੀਆਂ ਨੇ ਦੱਸਿਆ ਕਿ ਵਾਸ਼ਿੰਗਟਨ ਦੇ ਯਹੂਦੀ ਮਿਊਜ਼ੀਅਮ ਵਿਚ ਇੱਕ ਸਮਾਗਮ ਤੋਂ ਬਾਹਰ ਨਿਕਲਦੇ ਸਮੇਂ ਉਨ੍ਹਾਂ 'ਤੇ ਗੋਲੀਆਂ ਚਲਾਈਆਂ ਗਈਆਂ, ਇਸ ਮਾਮਲੇ ਵਿਚ ਸ਼ਿਕਾਗੋ ਦਾ ਇੱਕ 30 ਸਾਲਾ ਸ਼ੱਕੀ ਹਿਰਾਸਤ ਵਿਚ ਹੈ। ਟਾਈਮਜ਼ ਔਫ ਇਜ਼ਰਾਈਲ ਅਨੁਸਾਰ, ਅਪਰਾਧੀ ਨੇ 'ਫ੍ਰੀ ਫਲਸਤੀਨ' ਦੇ ਨਾਅਰੇ ਲਗਾਉਂਦੇ ਹੋਏ ਦੋਵਾਂ ਨੂੰ ਨੇੜਿਓਂ ਗੋਲੀ ਮਾਰੀ। ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਅਤੇ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਇਸ ਘਟਨਾ ਦੀ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਕੀਤੀ, ਵੱਖ ਵੱਖ ਦੇਸ਼ਾ ਦੇ ਲੀਡਰਾਂ ਵਲੋਂ ਵੀ ਇਸ ਘਟਨਾ ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ।
