11.7C Vancouver 11.7C VancouverApr 24, 2020 8:39 PM -
ਨੋਵਾ ਸਕੌਸ਼ੀਆ 'ਚ ਲੋਕ ਐਤਵਾਰ ਦੀ ਸ਼ੂਟਿੰਗ ਦੇ ਦੁੱਖ ਤੋਂ ਬਾਹਰ ਆਉਣ ਅਤੇ ਦੂਜੇ ਪਾਸੇ ਕੋਵਿਡ-19 ਦੇ ਮਾਮਲਿਆਂ 'ਚ ਵਾਧੇ ਦੇ ਦੋਹਰੇ ਸੰਘਰਸ਼ ਨਾਲ ਜੂਝ ਰਹੇ ਹਨ।
ਅੱਜ ਦੀ ਅਪਡੇਟ ਦੌਰਾਨ ਦੱਸਿਆ ਗਿਆ ਕਿ ਸੂਬੇ 'ਚ 23 ਨਵੇਂ ਵਾਇਰਸ ਸੰਬੰਧੀ ਮਾਮਲੇ ਦਰਜ ਕੀਤੇ ਗਏ ਹਨ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਪੀੜਤਾਂ ਦੀ ਗਿਣਤੀ 850 ਤਕ ਪਹੁੰਚ ਗਈ ਹੈ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਰੌਬਰਟ ਸਟ੍ਰੈਂਗ ਨੇ ਪੀੜਤਾਂ ਸੰਬੰਧੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ।
ਸੂਬੇ ਦੇ 11 ਵਾਇਰਸ ਪੀੜਤ ਹਸਪਤਾਲ 'ਚ ਦਾਖਿਲ ਦੱਸੇ ਗਏ ਹਨ।
ਹਾਲਾਂਕਿ ਸੂਬੇ ਦੇ 392 ਮਾਮਲੇ ਸੁਲਝ ਗਏ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਹੁਣ ਤਕ ਸੂਬੇ ਦੇ 16 ਵਾਇਰਸ ਪੀੜਤ ਦਮ ਤੋੜ ਚੁੱਕੇ ਹਨ।
ਅੱਜ ਸੂਬੇ ਦੇ ਪ੍ਰੀਮਿਅਰ ਸਟੀਫਨ ਮੈਕਨੀਲ ਨੇ ਆਖਿਆ ਕਿ ਅੱਜ ਸੂਬੇ ਅਤੇ ਦੇਸ਼ ਦੇ ਲੋਕ ਲਾਲ ਰੰਗ ਪਹਿਨ ਕੇ ਮਾਸ ਸ਼ੂਟਿੰਗ ਦੇ ਪੀੜਤਾਂ ਨੂੰ ਯਾਦ ਕਰ ਰਹੇ ਹਨ।
ਉਨ੍ਹਾਂ ਇਸ ਮੌਕੇ ਉਚੇਚੇ ਤੌਰ 'ਤੇ ਡਿਊਟੀ ਨਿਭਾਉਂਦੇ ਹੋਏ ਜਾਨ ਗਵਾਉਣ ਵਾਲੀ ਕਾਂਸਟੇਬਲ ਹਾਏਡੀ ਸਟੀਵਨਸਨ ਨੂੰ ਯਾਦ ਕੀਤਾ।
