18.52C Vancouver 18.52C VancouverMay 27, 2020 2:34 PM -
ਐਲਬਰਟਾ ਵਿੱਚ ਬੈਂਫ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਪੈਸਿਫ਼ਿਕ ਰਿਮ ਸਮੇਤ, 29 ਨੈਸ਼ਨਲ ਪਾਰਕ 1 ਜੂਨ ਤੋਂ ਯਾਤਰੀਆਂ ਲਈ ਦੁਬਾਰਾ ਖੁੱਲਣ ਜਾ ਰਹੇ ਹਨ।
ਮਨਿਸਟਰ ਆਫ ਇਨਵਾਇਰਮੈਂਟ ਜੌਨੱਥਨ ਵਿਲਕਿਨਸਨ ਮੁਤਾਬਕ ਪਾਰਕ ਦਿਨ ਦੇ ਸਮੇਂ ਖੁੱਲੇ ਰਹਿਣਗੇ ਅਤੇ ਵਾਸ਼ਰੂਮ ਵੀ ਖੋਲ੍ਹ ਦਿੱਤੇ ਜਾਣਗੇ।
ਸਾਰੇ ਨੈਸ਼ਨਲ ਪਾਰਕ, ਇਤਿਹਾਸਕ ਸਥਾਨ ਅਤੇ ਮਰੀਨ ਕੌਨਜ਼ਰਵੇਸ਼ਨ ਦੇ ਇਲਾਕੇ ਕੋਵਿਡ-19 ਕਾਰਨ ਪਿੱਛਲੇ ਕਈ ਹਫਤਿਆਂ ਤੋਂ ਬੰਦ ਪਏ ਹਨ।
ਬੈਂਫ ਦੇ ਕਈ ਵਪਾਰ ਦੁਬਾਰਾ 1 ਜੂਨ ਤੋਂ ਆਪਣੇ ਦਰਵਾਜ਼ੇ ਖੋਲ੍ਹਣ ਦੀ ਤਿਆਰੀ ਕਰ ਰਹੇ ਹਨ।
ਸ਼ਹਿਰ ਦੀ ਕਾਉਂਸਲ ਵੱਲੋਂ ਹਾਲ ਹੀ ਵਿੱਚ ਇਹ ਫੈਸਲਾ ਲਿਆ ਗਿਆ ਸੀ ਕਿ ਸ਼ਹਿਰ ਦੇ ਜ਼ਿਆਦਾ ਵਿਅਸਤ ਰਹਿਣ ਵਾਲੇ ਬੈਂਫ ਐਵੇਨਿਊ ਦੇ ਦੋ ਬਲੌਕ ਵਾਹਨਾਂ ਲਈ ਬੰਦ ਰੱਖੇ ਜਾਣਗੇ ਤਾਂ ਕਿ ਪੈਦਲ ਯਾਤਰੀਆਂ ਲਈ ਜ਼ਿਆਦਾ ਥਾਂ ਬਣਾਈ ਜਾ ਸਕੇ।
ਬੈਂਫ ਦੇਸ਼ ਦਾ ਸਭ ਤੋਂ ਵੱਧ ਵਿਅਸਤ ਨੈਸ਼ਨਲ ਪਾਰਕ ਹੈ ਜਿੱਥੇ ਸਲਾਨਾ 4 ਮਿਲੀਅਨ ਯਾਤਰੀ ਆਉਂਦੇ ਹਨ।
1 ਜੂਨ ਤੋਂ ਖੁੱਲਣ ਜਾ ਰਹੇ ਹੋਰ ਨੈਸ਼ਨਲ ਪਾਰਕਾਂ ਵਿੱਚ ਐਲਬਰਟਾ ਦਾ ਜੈਸਪਰ, ਮੈਨੀਟੋਬਾ ਦਾ ਰਾਈਡਿੰਗ ਮਾਊਂਟੇਨ ਅਤੇ ਨੋਵਾ ਸਕੋਸ਼ਿਆ ਦਾ ਕੇਪ ਬ੍ਰੈਟਨ ਹਾਈਲੈਂਡਜ਼ ਵੀ ਸ਼ਾਮਲ ਹਨ।
ਨੈਸ਼ਨਲ ਪਾਰਕਾਂ ਵਿੱਚ ਕੈਮਪਿੰਗ ਦੀ ਆਗਿਆ ਘੱਟ ਤੋਂ ਘੱਟ 21 ਜੂਨ ਤੱਕ ਨਹੀਂ ਹੋਵੇਗੀ।
