20.78C Vancouver 20.78C VancouverJul 14, 2026 4:01 PM - Connect Newsroom - Ramandeep Kaur
ਪ੍ਰਿੰਸ ਜਾਰਜ ਵਿਚ ਪੁਲਿਸ ਨੇ ਰਿਟੇਲ ਸਟੋਰਾਂ ਵਿਚ ਚੋਰੀ ਦੀਆਂ ਘਟਨਾਵਾਂ ਦੇ ਸਬੰਧ ਵਿਚ 40 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਇਸ ਕਾਰਵਾਈ ਦੌਰਾਨ 3,400 ਡਾਲਰ ਤੋਂ ਵੱਧ ਦਾ ਚੋਰੀ ਹੋਇਆ ਸਾਮਾਨ ਵੀ ਬਰਾਮਦ ਕਰਨ ਵਿਚ ਸਫਲਤਾ ਮਿਲੀ ਹੈ।
ਪ੍ਰਿੰਸ ਜਾਰਜ ਆਰ.ਸੀ.ਐਮ.ਪੀ. ਦੀ ਮੀਡੀਆ ਰਿਲੇਸ਼ਨ ਅਫ਼ਸਰ, ਕਾਰਪੋਰੇਸ਼ਨਲ ਜੈਨੀਫਰ ਕੂਪਰ ਨੇ ਦੱਸਿਆ ਕਿ ਬੂਸਟ ਅਤੇ ਬਸਟ ਪ੍ਰੋਜੈਕਟ ਤਹਿਤ ਔਫੀਸਰ ਨੇ ਪਾਈਨ ਸੈਂਟਰ ਮਾਲ, ਪਾਰਕਵੁੱਡ ਮਾਲ, ਵਾਲਮਾਰਟ ਅਤੇ ਸੁਪਰਸਟੋਰ ਵਰਗੇ ਰਿਟੇਲਰ ਨਾਲ ਮਿਲ ਕੇ ਇਸ ਓਪਰੇਸ਼ਨ ਨੂੰ ਅੰਜ਼ਾਮ ਦਿੱਤਾ।
ਇਸ ਮੁਹਿੰਮ ਦੌਰਾਨ ਪੁਲਿਸ ਨੇ ਸ਼ਹਿਰ ਵਿਚ ਵੱਖ-ਵੱਖ ਥਾਵਾਂ 'ਤੇ ਚਲਾਏ ਕਈ ਟ੍ਰੈਫ਼ਿਕ ਸਟੌਰ ਦੌਰਾਨ ਦੌਰਾਨ ਲਗਭਗ 180 ਗ੍ਰਾਮ ਨਸ਼ੀਲੇ ਪਦਾਰਥ ਵੀ ਬਰਾਮਦ ਕੀਤੇ, ਜਿਨ੍ਹਾਂ ਵਿਚ ਫੈਂਟਾਨਿਲ, ਕੋਕੀਨ ਅਤੇ ਮੇਥਾਮਫੇਟਾਮਾਈਨ ਸ਼ਾਮਲ ਹੋਣ ਦਾ ਖਦਸ਼ਾ ਹੈ।
ਇਸ ਤੋਂ ਇਲਾਵਾ 5,000 ਡਾਲਰ ਦਾ ਹੋਰ ਚੋਰੀ ਦਾ ਸਾਮਾਨ ਵੀ ਵਾਹਨਾਂ ਵਿਚੋਂ ਮਿਲਿਆ ਹੈ। ਕਾਰਪੋਰੇਸ਼ਨਲ ਜੈਨੀਫਰ ਮੁਤਾਬਕ, ਇਹ ਇਨਫੋਰਸਮੈਂਟ ਓਪਰੇਸ਼ਨ ਜੁਲਾਈ ਦੀ ਸ਼ੁਰੂਆਤ ਵਿਚ ਸ਼ੁਰੂ ਹੋਇਆ ਸੀ। ਪੁਲਿਸ ਨੇ ਦੱਸਿਆ ਕਿ ਸਾਲ 2026 ਦੌਰਾਨ ਇਸ ਮੁਹਿੰਮ ਤਹਿਤ ਹੁਣ ਤੱਕ ਕੁੱਲ 60 ਦੇ ਕਰੀਬ ਗ੍ਰਿਫਤਾਰੀਆਂ ਕੀਤੀਆਂ ਜਾ ਚੁੱਕੀਆਂ ਹਨ।
