14.09C Vancouver 14.09C VancouverJul 1, 2021 11:07 PM -
ਅੱਜ ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਸੂਬੇ 'ਚ ਵਾਈਲਡਫਾਇਰ ਦੇ ਹਾਲਾਤਾਂ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਉਨ੍ਹਾਂ ਲਿਟਨ 'ਚ ਖੜੇ ਹੋਏ ਵਾਈਲਡਫਾਇਰ ਦੇ ਬੇਹੱਦ ਗੰਭੀਰ ਹਾਲਾਤਾਂ ਲਈ ਫਿਕਰ ਜਾਹਿਰ ਕੀਤਾ ਹੈ।
ਇਸ ਦੇ ਨਾਲ ਹੀ ਹੌਰਗਨ ਨੇ ਇਸ ਇਲਾਕੇ 'ਚ ਮੁਸ਼ਕਿਲ ਹਾਲਾਤਾਂ 'ਚ ਲੋਕਾਂ ਲਈ ਸੇਵਾ ਨਿਭਾਉਣ ਵਾਲੇ ਫਾਇਰਕਰਮੀਆਂ ਤੋਂ ਇਲਾਵਾ ਇਲਾਕੇ ਦੇ ਮੇਅਰ ਅਤੇ ਫਰਸਟ ਨੇਸ਼ਨਸ ਚੀਫ਼ ਦਾ ਧੰਨਵਾਦ ਵੀ ਕੀਤਾ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਬੀਤੇ 24 ਘੰਟਿਆਂ 'ਚ ਸੂਬੇ 'ਚ 62 ਵਾਈਲਡਫਾਇਰਸ ਨੇ ਦਸਤਕ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਕੋਸਟ 'ਤੇ ਹੀਟ ਵੇਵ ਤੋਂ ਕੁਝ ਰਾਹਤ ਮਿਲੀ ਹੈ ਪਰ ਕੈਮਲੂਪਸ ਅਤੇ ਉਸ ਤੋਂ ਅੱਗੇ ਦੇ ਇਲਾਕੇ 'ਚ ਗਰਮੀ ਤੋਂ ਰਾਹਤ ਨਹੀਂ ਮਿਲੀ ਹੈ।
ਉਨ੍ਹਾਂ ਕਿਹਾ ਕਿ ਬਿਜਲੀ ਡਿੱਗਣ ਤੋਂ ਬਚਾਅ ਨਹੀਂ ਕੀਤਾ ਜਾ ਸਕਦਾ ਪਰ ਸਾਨੂੰ ਧਿਆਨ ਰੱਖਣ ਦੀ ਲੋੜ ਹੈ ਕਿ ਕਿਸੇ ਵੀ ਮਨੁੱਖੀ ਗਤੀਵਿਧੀਆਂ ਕਾਰਨ ਅੱਗ ਲੱਗਣ ਤੋਂ ਬਚਾਅ ਕੀਤਾ ਜਾਵੇ।
ਹੌਰਗਨ ਨੇ ਕਿਹਾ ਕਿ ਉਹ ਆਸ ਕਰਦੇ ਹਨ ਕਿ ਜਿਵੇਂ ਬੀ.ਸੀ. ਬਾਕੀ ਇਲਾਕਿਆਂ ਦੀ ਮਦਦ ਕਰਦਾ ਰਿਹਾ ਹੈ ਉਸੇ ਤਰ੍ਹਾਂ ਹੁਣ ਲੋੜ ਪੈਣ 'ਤੇ ਬਾਕੀ ਇਲਾਕੇ ਵੀ ਸੂਬੇ ਲਈ ਖੜੇ ਹੋਣਗੇ।
ਹੌਰਗਨ ਨੇ ਕਿਹਾ ਕਿ ਫੈਡਰਲ ਸਰਕਾਰ ਨੂੰ ਬੇਨਤੀ ਕੀਤੀ ਜਾ ਚੁੱਕੀ ਹੈ ਅਤੇ ਪ੍ਰਧਾਨ ਮੰਤਰੀ ਕਿਸੇ ਵੀ ਪ੍ਰਕਾਰ ਦੀ ਮਦਦ ਭੇਜਣ ਲਈ ਤਿਆਰ ਹਨ।
