18.12C Vancouver 18.12C VancouverAug 28, 2026 6:08 PM - Connect Newsroom - Jasmine Singh
ਐਬਟਸਫੋਰਡ ਵਿਚ ਸ਼ੂਟਿੰਗ ਦੀ ਵਾਰਦਾਤ ਸਾਹਮਣੇ ਆਈ ਹੈ। ਪੁਲਿਸ ਮੁਤਾਬਕ, ਬੁੱਧਵਾਰ ਸਵੇਰ ਕਰੀਬ 6:10 ਵਜੇ ਕਲੀਅਰਬਰੂਕ ਰੋਡ ਦੇ 2400 ਬਲਾਕ ਵਿਚ ਸਥਿਤ ਇੱਕ ਆਊਟਡੋਰ ਪਾਰਕਿੰਟ ਲੌਟ ਵਿਚ ਗੋਲੀਆਂ ਚੱਲੀਆਂ, ਜਿੱਥੇ ਔਫੀਸਰ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਸ਼ੱਕੀ ਅਤੇ ਪੀੜਤ ਦੋਵੇਂ ਮੌਕੇ ਤੋਂ ਫ਼ਰਾਰ ਹੋ ਚੁੱਕੇ ਸਨ।
ਇਨਵੈਸਟੀਗੇਟਰਸ ਨੇ ਕਈ ਘੰਟਿਆਂ ਦੀ ਜਾਂਚ ਤੋਂ ਬਾਅਦ ਤਿੰਨ ਸ਼ੱਕੀਆਂ ਨੂੰ ਵੈਸਟਰਲੀ ਸਟ੍ਰੀਟ ਦੇ 2300 ਬਲਾਕ ਵਿਚ ਸਥਿਤ ਇੱਕ ਘਰ ਵਿਚ ਟਰੇਸ ਕੀਤਾ, ਜਿੱਥੇ ਲੋਅਰ ਮੇਨਲੈਂਡ ਐਮਰਜੈਂਸੀ ਰਿਸਪਾਂਸ ਟੀਮ ਦੀ ਮਦਦ ਨਾਲ 33 ਸਾਲਾ ਰਿਆਨ ਸਾਵਤਸਕੀ, 28 ਸਾਲਾ ਲੁਕਾਸ ਬੇਜ਼ਾਨਸਨ, ਅਤੇ 34 ਸਾਲਾ ਕਾਇਲ ਕੋਰਨੀਕ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ।
ਪੁਲਿਸ ਨੇ ਬਾਅਦ ਵਿਚ ਪੀੜਤ ਵਿਅਕਤੀ ਨੂੰ ਵੀ ਲੱਭਿਆ ਅਤੇ ਫਿਲਹਾਲ ਮੇਜਰ ਕ੍ਰਾਈਮ ਡਿਟੈਕਟਿਵਸ ਨੇ 26 ਅਗਸਤ ਦੀ ਸਵੇਰ 5:45 ਤੋਂ 6:30 ਵਜੇ ਵਿਚਕਾਰ ਕਲੀਅਰਬਰੂਕ ਰੋਡ ਅਤੇ Sunrise Crescent ਦੇ ਆਲੇ-ਦੁਆਲੇ ਮੌਜੂਦ ਲੋਕਾਂ ਨੂੰ ਕੋਈ ਵੀ ਸ਼ੱਕੀ ਗਤੀਵਿਧੀ ਪਤਾ ਹੋਣ ਜਾਂ ਡੈਸ਼ਕੈਮ ਫੁਟੇਜ ਹੋਣ 'ਤੇ ਐਬਟਸਫੋਰਡਪੁਲਿਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ।
