14.11C Vancouver 14.11C VancouverOct 6, 2023 6:01 PM - The Canadian Press
ਸਟੈਟਿਸਟਿਕਸ ਕੈਨੇਡਾ ਦੇ ਅੰਕੜਿਆਂ ਅਨੁਸਾਰ ਕੈਨੇਡੀਅਨ ਅਰਥਚਾਰੇ ਵਿੱਚ ਸਤੰਬਰ ਦੌਰਾਨ 64,000 ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਏ।
ਕਿਊਬੈਕ ਅਤੇ ਬੀਸੀ ਵਿੱਚ ਸਭ ਤੋਂ ਵੱਧ ਨੌਕਰੀਆਂ ਪੈਦਾ ਹੋਈਆਂ ਹਨ।
ਸਟੈਟਿਸਟਿਕਸ ਕੈਨੇਡਾ ਨੇ ਸ਼ੁੱਕਰਵਾਰ ਨੂੰ ਰਿਪੋਰਟ ਦਿੱਤੀ ਕਿ ਨਵੀਆਂ ਨੌਕਰੀਆਂ ਦੇ ਬਾਵਜੂਦ, ਬੇਰੁਜ਼ਗਾਰੀ ਦੀ ਦਰ 5.5 ਪ੍ਰਤੀਸ਼ਤ 'ਤੇ ਸਥਿਰ ਰਹੀ।
ਸਤੰਬਰ ਦੌਰਾਨ ਅਰਥਸ਼ਾਸਤਰੀਆਂ ਨੇ 25,000 ਨਵੀਆਂ ਨੌਕਰੀਆਂ ਦੀ ਉਮੀਦ ਜਤਾਈ ਸੀ।
ਕੈਨੇਡਾ ਵਿੱਚ ਬਾਲਗ ਆਬਾਦੀ ਦੀ ਗਿਣਤੀ ਸਤੰਬਰ ਵਿੱਚ 82,000 ਵਧੀ ਜਿਨ੍ਹਾਂ ਵਿੱਚੋਂ ਲਗਭਗ 72,000 ਨੂੰ ਲੇਬਰ ਫ਼ੋਰਸ ਵੱਜੋਂ ਮੰਨਿਆ ਜਾਂਦਾ ਹੈ।
ਜਿਸਦਾ ਮਤਲਬ ਉਹ ਕੰਮ ਕਰਨ ਦੀ ਉਮਰ ਦੇ ਹਨ ਅਤੇ ਸਰਗਰਮੀ ਨਾਲ ਰੁਜ਼ਗਾਰ ਦੀ ਭਾਲ ਵਿੱਚ ਹਨ।
ਭਾਵੇਂ ਨੌਕਰੀਆਂ ਦਾ ਵਾਧਾ ਅਰਥਸ਼ਾਸਤਰੀਆਂ ਦੇ ਅਨੁਮਾਨ ਨਾਲੋਂ ਕਰੀਬ ਦੁੱਗਣਾ ਹੈ, ਪਰ ਜ਼ਿਆਦਾਤਰ ਨੌਕਰੀਆਂ 48,000 ਪਾਰਟ ਟਾਈਮ ਹੀ ਰਹੀਆਂ।ਇਸ ਤੋਂ ਇਲਾਵਾ ਫ਼ਾਈਨੈਂਸ, ਇੰਸ਼ੋਰੈਂਸ, ਰੀਅਲ ਅਸਟੇਟ ਅਤੇ ਕੰਸਟਰਕਸ਼ਨ ਸੈਕਟਰ ਵਿੱਚ ਨੌਕਰੀਆਂ ਖ਼ਤਮ ਵੀ ਹੋਈਆਂ ਹਨ।
ਨੌਕਰੀਆਂ ਦਾ ਵਾਧਾ ਸਿੱਖਿਆ ਖੇਤਰ ਵਿੱਚ ਕੇਂਦਰਤ ਰਿਹਾ ਜਿੱਥੇ ਸਕੂਲੀ ਸੈਸ਼ਨ ਦੁਬਾਰਾ ਸ਼ੁਰੂ ਹੋਣ ਕਰਕੇ ਵਾਧੂ ਨਵੀਆਂ ਨੌਕਰੀਆਂ ਸ਼ਾਮਲ ਹੋਈਆਂ ਹਨ।
