13.04C Vancouver 13.04C VancouverMar 11, 2020 12:28 AM -
ਬ੍ਰਿਟਿਸ਼ ਕੋਲੰਬੀਆ 'ਚ ਕੋਵਿਡ-19 ਦੇ 7 ਹੋਰ ਮਾਮਲੇ ਉਜਾਗਰ ਹੋਏ ਹਨ।
ਮੰਗਲਵਾਰ ਨੂੰ ਸ਼ਾਮ ਕਰੀਬ 3.30 ਵਜੇ, ਇਨ੍ਹਾਂ ਮਾਮਲਿਆਂ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਹੁਣ ਸੂਬੇ 'ਚ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਗਿਣਤੀ 39 ਤਕ ਪਹੁੰਚ ਗਈ ਹੈ।
ਮੰਗਲਵਾਰ ਨੂੰ ਸਿਹਤ ਅਧਿਕਾਰੀਆਂ ਨੇ ਇਨ੍ਹਾਂ ਮਾਮਲਿਆਂ ਨੂੰ ਲੈਕੇ, ਵਿਸਤਾਰ ਵਿੱਚ ਜਾਣਕਾਰੀ ਸਾਂਝੀ ਕੀਤੀ ਹੈ।
ਅੱਜ ਬੀ.ਸੀ. 'ਚ 7 ਹੋਰ ਕੋਰੋਨਾ ਵਾਇਰਸ ਦੇ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਸੂਬੇ ਦੀ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ, ਅਤੇ ਸੂਬੇ ਦੇ ਸਿਹਤ ਮੰਤਰੀ, ਐਡਰੀਅਨ ਡਿਕਸ ਨੇ ਮੀਡੀਆ ਦੇ ਰੂਬਰੂ ਹੁੰਦੇ ਹੋਏ, ਇਨ੍ਹਾਂ ਮਾਮਲਿਆਂ ਬਾਰੇ ਜਾਣਕਾਰੀ ਦਿੱਤੀ ਹੈ।
8 ਮਾਮਲੇ ਅਜਿਹੇ ਹਨ ਜੋ ਲਿਨ ਵੈਲੀ ਕੇਅਰ ਸੈਂਟਰ ਨਾਲ ਸੰਬੰਧਤ ਦੱਸੇ ਜਾ ਰਹੇ ਹਨ।
2 ਨਵੇਂ ਮਾਮਲੇ ਇਸ ਕੇਅਰ ਸੈਂਟਰ ਨਾਲ ਜੁੜੇ ਹਨ, ਜੋ ਕਿ ਹੈਲਥ ਕੇਅਰ ਵਰਕਰ ਦੱਸੇ ਗਏ ਹਨ।
ਇੱਕ ਹੈਲਥ ਵਰਕਰ ਦੇ 2 ਪਰਿਵਾਰਿਕ ਮੈਂਬਰਾਂ ਨੂੰ ਵੀ ਇਸ ਵਾਇਰਸ ਨਾਲ ਪੀੜਤ ਪਾਇਆ ਗਿਆ ਹੈ।
ਅੱਜ ਦੇ 3 ਮਾਮਲੇ ਅਜਿਹੇ ਹਨ ਜੋ ਕਿ ਯਾਤਰਾ ਨਾਲ ਸੰਬੰਧਤ ਹਨ।
ਇੱਕ ਚੰਗੀ ਗੱਲ ਇਹ ਹੈ ਕਿ ਡਾ. ਬੌਨੀ ਹੈਨਰੀ ਨੇ 2 ਮਰੀਜਾਂ ਦੇ ਇਸਤੋਂ ਰਿਕਵਰ ਕਰਨ ਦੀ ਜਾਣਕਾਰੀ ਵੀ ਦਿੱਤੀ ਹੈ।
ਇਸਦੇ ਵਿੱਚ ਇੱਕ 80 ਤੋਂ 90 ਸਾਲ ਦੇ ਦਰਮਿਆਨ ਦੀ ਉਮਰ ਦੀ ਇੱਕ ਔਰਤ ਹੈ, ਜਿੰਨਾ ਦੀ ਹਾਲਤ ਪਹਿਲਾਂ ਨਾਜੁਕ ਦੱਸੀ ਗਈ ਸੀ।
