10.44C Vancouver 10.44C VancouverOct 22, 2021 7:11 PM - The Canadian Press
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਹਿੰਸਕ ਸ਼ਾਪਲਿਫਟਿੰਗ ਦੀਆਂ ਘਟਨਾਵਾਂ 'ਚ 700% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਇਹ ਵਾਧਾ ਪੈਂਡੈਮਿਕ ਤੋਂ ਪਹਿਲਾਂ ਦੇ ਸਾਲ 2019 ਦੇ ਅੰਕੜਿਆਂ ਮੁਕਾਬਲੇ ਪੇਸ਼ ਕੀਤਾ ਗਿਆ ਹੈ।
ਚੀਫ਼ ਐਡਮ ਪਾਲਮਰ ਦਾ ਕਹਿਣਾ ਹੈ ਕਿ ਇਸ ਸਾਲ ਹੁਣ ਤਕ 844 ਮਾਮਲੇ ਰਿਪੋਰਟ ਹੋਏ ਹਨ ਅਤੇ ਜਨਵਰੀ ਤਕ ਇਹ ਮਾਮਲੇ 1,000 ਦੇ ਪਾਰ ਹੋਣ ਦੀ ਸੰਭਾਵਨਾ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਅਜਿਹੇ ਮਾਮਲਿਆਂ ਵਿਚਾਲੇ ਫੋਰਸ ਨੇ ਪੈਦਲ ਅਤੇ ਬਾਈਕਸ 'ਤੇ ਕੀਤੀ ਜਾ ਰਹੀ ਪੈਟਰੋਲਿੰਗ 'ਚ ਵਾਧਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਜਲਦੀ ਰਿਸਪਾਂਡ ਕਰਨ ਦੀ ਕੋਸ਼ਿਸ਼ ਹੋਵੇਗੀ।
ਹਾਲਾਂਕਿ ਉਨ੍ਹਾਂ ਇਹ ਵੀ ਕਿਹਾ ਕਿ ਬਹੁਤ ਸਾਰੇ ਅਫ਼ਸਰ ਪ੍ਰਦਰਸ਼ਨਾਂ ਦੇ ਚਲਦਿਆਂ ਅਤੇ ਪੈਂਡੈਮਿਕ ਸੰਬੰਧੀ ਸ਼ਿਕਾਇਤਾਂ ਦੇ ਕਾਰਨ ਬਹੁਤ ਸਮਾਂ ਓਵਰਟਾਈਮ ਕਰ ਰਹੇ ਹਨ।
