19.22C Vancouver 19.22C VancouverMay 20, 2021 5:37 PM -
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ 13 ਮਈ ਤਕ 740 ਅਜਿਹੇ ਲੋਕ ਜੋ ਕਿ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਸਨ ਉਹ ਕੋਵਿਡ-19 ਤੋਂ ਸੰਕ੍ਰਮਿਤ ਹੋ ਗਏ ਸਨ।
ਇਹ ਵੀ ਦੱਸਿਆ ਗਿਆ ਕਿ ਵੈਕਸੀਨ ਦਾ ਪਹਿਲਾ ਸ਼ੌਟ ਹਾਸਿਲ ਕਰਨ ਵਾਲੇ 13,461 ਲੋਕ ਇਸ ਵਾਇਰਸ ਨਾਲ ਪੀੜਤ ਹੋ ਗਏ ਸਨ।
ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਇਹ ਅੰਕੜੇ 9 ਸੂਬਿਆਂ ਵੱਲੋਂ ਸਾਂਝੇ ਕੀਤੇ ਗਏ ਡਾਟਾ 'ਤੇ ਆਧਾਰਿਤ ਹਨ।
ਦੱਸਿਆ ਜਾਂਦਾ ਹੈ ਕਿ ਪਹਿਲੀ ਖੁਰਾਕ ਲੈਣ ਤੋਂ 14 ਦਿਨ ਬਾਅਦ ਅਤੇ ਦੂਜੀ ਖੁਰਾਕ ਲੈਣ ਤੋਂ 7 ਦਿਨ ਬਾਅਦ ਇਸ ਵਾਇਰਸ ਲਈ ਇਮਿਊਨਿਟੀ ਸਥਾਪਿਤ ਹੋ ਪਾਉਂਦੀ ਹੈ।
ਹੈਲਥ ਕੈਨੇਡਾ ਨੇ ਦੱਸਿਆ ਹੈ ਕਿ 443 ਲੋਕ ਅਜਿਹੇ ਸਨ ਜਿੰਨਾ ਨੂੰ ਇਸ ਵਾਇਰਸ ਕਾਰਨ ਹਸਪਤਾਲ 'ਚ ਦਾਖਿਲ ਹੋਣਾ ਪਿਆ ਜਦਕਿ ਉਨ੍ਹਾਂ ਨੂੰ ਪਹਿਲੀ ਖੁਰਾਕ ਲਏ 2 ਹਫ਼ਤੇ ਤੋਂ ਵਧੇਰੇ ਸਮਾਂ ਹੋ ਚੁੱਕਿਆ ਸੀ।
ਇਸ 'ਚ 95 ਲੋਕਾਂ ਦੀ ਮੌਤ ਹੋ ਗਈ।
ਇਹ ਵੀ ਦੱਸਿਆ ਗਿਆ ਕਿ ਦੂਜੀ ਡੋਜ਼ ਹਾਸਿਲ ਕਰਨ ਤੋਂ ਘਟੋ-ਘੱਟ ਇੱਕ ਹਫ਼ਤੇ ਬਾਅਦ 32 ਲੋਕਾਂ ਨੂੰ ਵਾਇਰਸ ਕਾਰਨ ਹਸਪਤਾਲ 'ਚ ਦਾਖਿਲ ਕੀਤਾ ਗਿਆ ਸੀ ਅਤੇ ਇਸ 'ਚ 13 ਨੇ ਦਮ ਤੋੜ ਦਿੱਤਾ।
