27.82C Vancouver 27.82C VancouverJun 4, 2020 11:39 PM -
ਮੀਨੀਆਪੌਲਿਸ ਦੇ ਤਿੰਨ ਸਾਬਕਾ ਪੁਲਿਸ ਅਫ਼ਸਰਾਂ ਦੀ ਜ਼ਮਾਨਤ ਲਈ $7,50,000 ਦੀ ਰਕਮ ਰੱਖੀ ਗਈ ਹੈ।
ਇਹ ਰਕਮ ਕੁੱਲ ਰਾਸ਼ੀ ਨਹੀਂ ਬਲਕਿ ਹਰ ਅਫ਼ਸਰ ਦੀ ਜ਼ਮਾਨਤ ਲਈ ਰੱਖੀ ਗਈ ਰਕਮ ਦਾ ਅੰਕੜਾ ਦਰਸ਼ਾਉਂਦੀ ਹੈ।
ਜਾਰਜ ਫਲਾਇਡ ਦੇ ਕਤਲ ਮਾਮਲੇ 'ਚ ਇਹ ਤਿੰਨੇ ਅਫ਼ਸਰ ਏਡਿੰਗ ਅਤੇ ਅਬੈਟਿੰਗ ਦੇ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਹਨ।
ਇਨ੍ਹਾਂ ਅਫ਼ਸਰਾਂ ਦੇ ਨਾਮ ਹਨ - ਤੋਉ ਥਾਓ, ਥੌਮਸ ਲੇਨ ਅਤੇ ਜੇ. ਐਲਿਕਜ਼ੈਂਡਰ ਕੁਐਂਗ।
ਇਨ੍ਹਾਂ ਸਾਬਕਾ ਅਫ਼ਸਰਾਂ ਦੀ ਅੱਜ ਹੈਨੇਪੀਨ ਕਾਉਂਟੀ ਡਿਸਟ੍ਰਿਕਟ ਕੋਰਟ 'ਚ ਪਹਿਲੀ ਪੇਸ਼ੀ ਸੀ।
ਮੀਨੀਆਪੌਲਿਸ ਪੁਲਿਸ ਡਿਪਾਰਟਮੈਂਟ ਨੇ ਬੀਤੇ ਹਫ਼ਤੇ ਇਨ੍ਹਾਂ ਅਫ਼ਸਰਾਂ ਨੂੰ ਕੰਮ ਤੋਂ ਹਟਾ ਦਿੱਤਾ ਸੀ।
ਬੁੱਧਵਾਰ ਨੂੰ ਇਨ੍ਹਾਂ ਤਿੰਨਾਂ ਦੀ ਗ੍ਰਿਫਤਾਰੀ ਹੋਈ ਸੀ।
ਜੇਕਰ ਏਡਿੰਗ ਅਤੇ ਅਬੈਟਿੰਗ ਲਈ ਇਨ੍ਹਾਂ ਅਫ਼ਸਰਾਂ ਨੂੰ ਦੋਸ਼ੀ ਪਾਇਆ ਜਾਂਦਾ ਹੈ, ਤਾਂ ਇਨ੍ਹਾਂ ਨੂੰ 40 ਸਾਲ ਤੱਕ ਦੀ ਕੈਦ ਹੋ ਸਕਦੀ ਹੈ। ਇਸ ਮਾਮਲੇ 'ਚ ਸ਼ਾਮਿਲ ਚੌਥੇ ਅਫ਼ਸਰ ਦਾ ਨਾਮ ਡੈਰਿਕ ਚੌਵਿਨ ਹੈ।
ਇੱਕ ਵੀਡੀਓ ਉਜਾਗਰ ਹੋਇਸ ਸੀ, ਜਿਸ ਵਿੱਚ ਇਹ ਅਫ਼ਸਰ ਜਾਰਜ ਫਲਾਇਡ ਦੀ ਧੌਣ 'ਤੇ ਗੋਡਾ ਦੱਬ ਕੇ ਬੈਠਾ ਨਜ਼ਰ ਆਉਂਦਾ ਹੈ।
ਅਫ਼ਸਰ ਨੇ ਆਪਣਾ ਗੋਡਾ, ਪੀੜਤ ਦੀ ਧੌਣ 'ਤੇ ਕਰੀਬ 8 ਮਿੰਟਾਂ ਤੱਕ ਦੱਬ ਕੇ ਰੱਖਿਆ, ਜਿਸ ਦੌਰਾਨ ਪੀੜਤ ਵਾਰ-ਵਾਰ ਕਹਿੰਦਾ ਰਿਹਾ ਕਿ ਉਸ ਨੂੰ ਸਾਹ ਨਹੀਂ ਆ ਰਿਹਾ ਹੈ। ਪੀੜਤ ਨੇ ਦਮ ਤੋੜ ਦਿੱਤਾ ਸੀ।
ਡੈਰਿਕ ਚੌਵਿਨ ਨਾਮ ਦੇ ਅਫ਼ਸਰ 'ਤੇ ਪਹਿਲਾਂ ਥਰਡ-ਡਿਗਰੀ ਕਤਲ ਅਤੇ ਸੈਕਿੰਡ ਡਿਗਰੀ ਮੈਨਸਲਾਟਰ (third-degree murder and second-degree manslaughter) ਦੇ ਇਲਜ਼ਾਮ ਲੱਗੇ ਸਨ।
ਜਾਰਜ ਫਲਾਇਡ ਦੀ ਧੌਣ 'ਤੇ ਗੋਡਾ ਰੱਖਣ ਵਾਲੇ ਅਫ਼ਸਰ ਡੈਰਿਕ ਚੌਵਿਨ 'ਤੇ ਹੁਣ ਸੈਕਿੰਡ-ਡਿਗਰੀ ਕਤਲ ਦੇ ਦੋਸ਼ ਲਗਾਏ ਜਾ ਚੁੱਕੇ ਹਨ।
