12.29C Vancouver 12.29C VancouverJul 29, 2021 7:27 PM -
ਐਮਰਜੈਂਸੀ ਮੈਨੇਜਮੈਂਟ ਬੀ.ਸੀ. ਨੇ ਵੈਨਕੂਵਰ ਜਾਂ ਨੇੜੇ ਦੇ ਇਲਾਕਿਆਂ 'ਚ ਸੁਨਾਮੀ ਦੇ ਖਤਰੇ ਨੂੰ ਰੱਦ ਕੀਤਾ ਹੈ।
ਇਹ ਖਤਰਾ ਉਸ ਵੇਲੇ ਖੜਾ ਹੋਇਆ ਸੀ ਜਦ ਅਲਾਸਕਾ 'ਚ ਜ਼ਬਰਦਸਤ ਭੂਚਾਲ ਨੇ ਦਸਤਕ ਦਿੱਤੀ ਸੀ।
ਅਲਾਸਕਾ 'ਚ ਬੁੱਧਵਾਰ ਰਾਤ ਕਰੀਬ 11 ਵਜੇ ਭੂਚਾਲ ਨੇ ਦਸਤਕ ਦਿੱਤੀ।
ਭੂਚਾਲ ਦੀ ਤੀਬਰਤਾ 8.2 ਮੈਗਨੀਟਿਊਡ ਦੀ ਦੱਸੀ ਗਈ।
ਬੀ.ਸੀ. 'ਚ ਸਕੀਨਾ ਦੇ ਇਲਾਕੇ 'ਚ ਲੋਕਾਂ ਦਾ ਕਹਿਣਾ ਸੀ ਕਿ ਇਲਾਕੇ ਦੇ ਲੋਕਾਂ ਨੂੰ ਉੱਚੇ ਥਾਵਾਂ 'ਤੇ ਪਹੁੰਚ ਕਰਨ ਨੂੰ ਕਿਹਾ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਸਾਰੇ ਲੋਕਾਂ ਨੇ ਕਈ ਘੰਟੇ ਉੱਚੇ ਥਾਵਾਂ 'ਤੇ ਗੁਜ਼ਾਰੇ ਪਰ ਫਿਰ ਉਨ੍ਹਾਂ ਨੂੰ ਘਰਾਂ 'ਚ ਵਾਪਸੀ ਦੀ ਇਜਾਜਤ ਦੇ ਦਿੱਤੀ ਗਈ।
ਐਮਰਜੈਂਸੀ ਮੈਨੇਜਮੈਂਟ ਬੀ.ਸੀ. ਨੇ ਸਪਸ਼ਟ ਕੀਤਾ ਕਿ ਸੁਨਾਮੀ ਦਾ ਖਤਰਾ ਨਹੀਂ ਹੈ।
ਯੂ.ਐਸ. ਜੀਓਲੌਜੀਕਲ ਸਰਵੇ ਅਨੁਸਾਰ ਇਸ ਭੂਚਾਲ ਦਾ ਕੇਂਦਰ ਪੈਰੀਵਿਲ ਦੇ ਦੱਖਣਪੂਰਬ 'ਚ 32km ਦੀ ਡੂੰਘਾਈ 'ਤੇ ਦਰਜ ਕੀਤਾ ਗਿਆ ਸੀ।
