ਐਲਬਰਟਾ ਸਰਕਾਰ ਡਾਕਟਰ ਪੇਅ ਡੀਲ ਨੂੰ ਲੈ ਕੇ ਕਰ ਰਹੀ ਕੰਮ: ਸਿਹਤ ਮੰਤਰੀ

ਐਲਬਰਟਾ ਦੀ ਹੈਲਥ ਮੰਤਰੀ ਐਡਰੀਆਨਾ ਲਾਗਰੇਂਜ ਦਾ ਕਹਿਣਾ ਹੈ ਕਿ ਸੂਬੇ ਦੇ ਡਾਕਟਰਾਂ ਲਈ ਨਵਾਂ ਮੁਆਵਜ਼ੇ ਦਾ ਇਕਰਾਰਨਾਮਾ ਕਰਨ ਲਈ ਅਜੇ ਬਹੁਤ ਸਾਰਾ ਕੰਮ ਬਾਕੀ ਹੈ। ਮਾਰਚ ਵਿਚ ਜਿਸ ਡੀਲ ਨੂੰ ਲੈ ਕੇ ਸਹਿਮਤੀ ਬਣੀ ਸੀ ਉਸ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਡਾਕਟਰਾਂ ਦਾ ਮੁਆਵਜ਼ਾ ਪਿਛਲੇ ਸਾਲਾਂ ਵਿਚ ਤੇਜ਼ੀ ਨਾਲ ਵਧਿਆ ਹੈ। ਇਸ ਦਾ ਇਸ ਸਾਲ ਦਾ ਬਜਟ$6.7-ਬਿਲੀਅਨ ਤੱਕ ਜਾ ਸਕਦਾ ਹੈ।

ਉਨ੍ਹਾਂ ਕਿਹਾ ਕਿ ਉਹ ਚਾਹੁੰਦੇ ਹਨ ਡਾਕਟਰਾਂ ਨੂੰ ਸਹੀ ਤਰ੍ਹਾਂ ਡੀਲ ਕੀਤਾ ਜਾਵੇ। ਹਾਲਾਂਕਿ ਐਲਬਰਟਾ ਡਾਕਟਰਾਂ ਦੀ ਨੁਮਾਇੰਦਗੀ ਕਰਨ ਵਾਲੇ ਗਰੁੱਪ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਨਵੀਂ ਡੀਲ ਤੋਂ ਬਚਣ ਦੀ ਤਿਆਰੀ ਵਿਚ ਹੈ। ਇਸ ਨਾਲ ਉਹ ਮਰੀਜ਼ਾਂ ਦੀ ਜ਼ਿੰਦਗੀ ਖਤਰੇ ਵਿਚ ਪਾ ਰਹੇ ਹਨ।

ਹਾਲ ਹੀ ਵਿਚ ਹੋਏ ਇਕ ਸਰਵੇ ਵਿਚ ਸਾਹਮਣੇ ਆਇਆ ਕਿ 70 ਫੀਸਦੀ ਡਾਕਟਰ 2029 ਤੱਕ ਨੌਕਰੀ ਛੱਡਣ ਦੀ ਤਿਆਰੀ ਵਿਚ ਹਨ। ਉਨ੍ਹਾਂ ਨੂੰ ਤਨਖਾਹ ਘੱਟ ਅਤੇ ਕੰਮ ਵਧੇਰੇ ਕਰਨਾ ਪੈਂਦਾ ਹੈ।