12.99C Vancouver 12.99C VancouverSep 22, 2020 9:27 PM -
ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ 2021 ਦੇ ਅੰਤ ਤੱਕ, 10 ਹੋਰ ਪ੍ਰਾਈਮਰੀ ਕੇਅਰ ਸੈਂਟਰ ਖੋਲ੍ਹਣ ਨੂੰ ਅੱਜ ਆਪਣੇ ਪਹਿਲੇ ਚੋਣ ਵਾਅਦੇ ਵਜੋਂ ਪੇਸ਼ ਕੀਤਾ ਹੈ।
ਜੌਨ ਹੌਰਗਨ ਨੇ ਆਪਣੀ ਚੋਣ ਮੁਹਿੰਮ ਦੌਰਾਨ ਨੌਰਥ ਵੈਨਕੂਵਰ ਵਿੱਚ ਗੱਲ ਕਰਦਿਆਂ ਕਿਹਾ ਕਿ ਸਿਹਤ ਦੇਖਭਾਲ ਸਿਰਫ਼ ਕੋਵਿਡ-19 ਮਹਾਂਮਾਰੀ ਨਾਲ ਨਜਿਠਣਾ ਨਹੀਂ ਹੈ ਬਲਕਿ ਐਮਰਜੈਂਸੀ ਰੂਮਜ਼ 'ਤੇ ਦਬਾਅ ਘਟਾਉਣਾ 'ਤੇ ਹਸਪਤਾਲਾਂ ਵਿੱਚ ਇੰਤਜ਼ਾਰ ਦਾ ਸਮਾਂ ਘਟਾਉਣਾ ਵੀ ਅਹਿਮ ਹੈ।
ਬੀ.ਸੀ. ਲਿਬਰਲਜ਼ ਦੇ ਲੀਡਰ ਐਂਡਰਿਊ ਵਿਲਕਿਨਸਨ ਦੀ ਤਿੰਨ ਚੋਣ ਬਹਿਸਾਂ ਦੀ ਤਜਵੀਜ਼ ਦੇ ਜਵਾਬ ਵਿੱਚ ਹੌਰਗਨ ਨੇ ਕਿਹਾ ਕਿ ਉਹ ਵਿਲਕਿਨਸਨ ਦਾ ਸਾਹਮਣਾ ਕਰਨ ਲਈ ਤਿਆਰ ਹਨ।
ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਲਿਬਰਲਜ਼ ਅਤੇ ਐਨਡਰਿਊ ਵਿਲਕਿਨਸਨ ਦੀ ਤਰਜੀਹ ਅਮੀਰ ਲੋਕ ਹਨ ਅਤੇ ਲਿਬਰਲ ਸਰਕਾਰ ਵੱਲੋਂ ਲੋਕਾਂ ਲਈ ਸੇਵਾਵਾਂ ਨੂੰ ਘਟਾ ਕੇ ਅਦਾਇਗੀਆਂ ਨੂੰ ਵਧਾਇਆ ਗਿਆ ਹੈ।
