ਬੀ. ਸੀ. ਹਾਈਵੇ ਪੈਟਰੋਲ ਕੈਮਲੂਪਸ ਵਿਚ ਹੋਏ ਇੱਕ ਮੋਟਰਸਾਈਕਲ ਹਾਦਸੇ ਦੀ ਕਰ ਰਹੀ ਜਾਂਚ

ਬੀ. ਸੀ. ਹਾਈਵੇ ਪੈਟਰੋਲ ਕੈਮਲੂਪਸ ਵਿਚ ਹੋਏ ਇੱਕ ਮੋਟਰਸਾਈਕਲ ਹਾਦਸੇ ਦੀ ਜਾਂਚ ਕਰ ਰਹੀ ਹੈ, ਜਿਸ ਦੇ ਸਬੰਧ ਵਿਚ ਲੋਕਾਂ ਤੋਂ ਵੀਡੀਓ ਫੁਟੇਜ ਦੀ ਅਪੀਲ ਕੀਤੀ ਗਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ 27 ਅਕਤੂਬਰ ਨੂੰ ਦੁਪਹਿਰ ਲਗਭਗ 2:15 ਵਜੇ ਹਾਈਵੇ 97C 'ਤੇ ਇੱਕ ਬਲੂ ਹਾਰਲੇ-ਡੇਵਿਡਸਨ ਹਾਦਸੇ ਦਾ ਸ਼ਿਕਾਰ ਹੋਇਆ, ਇਹ ਸਿੰਗਲ ਵ੍ਹੀਹਕਲ ਹਾਦਸਾ ਸੀ।

ਬਾਈਕ 'ਤੇ ਸਵਾਰ ਲੋਗਨ ਲੇਕ ਦੀ ਇੱਕ 39 ਸਾਲ ਦੀ ਔਰਤ ਨੂੰ ਜਾਨਲੇਵਾ ਸੱਟਾਂ ਲੱਗੀਆਂ, ਜਦੋਂ ਕਿ ਮੋਟਰਸਾਈਲ ਚਲਾ ਰਹੇ 37 ਸਾਲਾ ਨੌਜਵਾਨ ਨੂੰ ਗੈਰ-ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਲਿਜਾਇਆ ਗਿਆ। ਬੀ. ਸੀ. ਹਾਈਵੇ ਪੈਟਰੋਲ ਦੇ ਅਧਿਕਾਰੀ ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਨੇ ਕਿਹਾ ਕਿ ਜਾਂਚਕਰਤਾ ਸ਼ਰਾਬ ਅਤੇ ਤੇਜ਼ ਰਫਤਾਰ ਨੂੰ ਹਾਦਸੇ ਦੇ ਸੰਭਾਵੀ ਕਾਰਨਾਂ ਵਜੋਂ ਜਾਂਚ ਕਰ ਰਹੇ ਹਨ ਅਤੇ ਹਾਦਸੇ ਤੋਂ ਪਹਿਲਾਂ ਦੇ ਸਮੇਂ ਵਿਚ ਮੋਟਰਸਾਈਕਲ ਸਵਾਰ ਦੇ ਵਿਵਹਾਰ ਬਾਰੇ ਜਾਣਨ ਲਈ ਪੁਲਿਸ ਨੂੰ ਲੋਕਾਂ ਤੋਂ ਮਦਦ ਦੀ ਲੋੜ ਹੈ।

ਮੈਕਲਾਫਲਿਨ ਨੇ ਕਿਸੇ ਵੀ ਗਵਾਹ ਜਾਂ ਕਿਸੇ ਵੀ ਵਿਅਕਤੀ ਜਿਸ ਕੋਲ ਡੈਸ਼ਕੈਮ ਫੁਟੇਜ ਹੋਵੇ, ਉਸ ਨੂੰ ਕੈਮਲੂਪਸ ਬੀ. ਸੀ. ਹਾਈਵੇ ਪੈਟਰੋਲ ਨਾਲ 250-828-3111 'ਤੇ ਸੰਪਰਕ ਕਰਨ ਲਈ ਕਿਹਾ ਹੈ।