ਐਬਟਸਫੋਰਡ ਪੁਲਿਸ ਨੇ ਕੈਦੀ ਦੀ ਰਿਹਾਈ ਤੋਂ ਪਹਿਲਾਂ ਜਨਤਕ ਸੁਰੱਖਿਆ ਸੂਚਨਾ ਜਾਰੀ

ਐਬਟਸਫੋਰਡ ਪੁਲਿਸ ਨੇ ਇੱਕ ਹਾਈ ਰਿਸਕ ਸੈਕਸ ਓਫੈਂਡਰ ਦੀ ਰਿਹਾਈ ਨੂੰ ਲੈ ਕੇ ਆਮ ਜਨਤਾ ਲਈ ਪਬਲਿਕ ਸੇਫਟੀ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ 46 ਸਾਲਾ ਸਟੀਫਨ ਬ੍ਰੈਡਲੀ ਈਵਿੰਗ, ਜੋ ਕਿ ਗੰਭੀਰ ਜਿਨਸੀ ਅਪਰਾਧਾਂ ਦਾ ਦੋਸ਼ੀ ਹੈ 30 ਮਾਰਚ ਨੂੰ ਵਿਲੀਅਮ ਹੈੱਡ ਇੰਸਟੀਚਿਊਸ਼ਨ ਤੋਂ ਰਿਹਾਅ ਹੋ ਕੇ ਸ਼ਹਿਰ ਵਿਚ ਰਹਿਣ ਜਾ ਰਿਹਾ ਹੈ।

ਈਵਿੰਗ ਦਾ ਪੁਰਾਣਾ ਰਿਕਾਰਡ ਕਾਫੀ ਖ਼ਤਰਨਾਕ ਰਿਹਾ ਹੈ, ਜਿਸ ਵਿਚ Sexual Assault, ਜਿਨਸੀ ਹਮਲੇ ਦੌਰਾਨ ਸਰੀਰਕ ਨੁਕਸਾਨ ਪਹੁੰਚਾਉਣ ਅਤੇ 2021 ਤੇ 2023 ਵਿਚ ਕਿਸੇ ਦਾ ਗਲਾ ਘੁੱਟ ਕੇ ਵਿਰੋਧ ਨੂੰ ਦਬਾਉਣ ਵਰਗੇ ਸੰਗੀਨ ਜ਼ੁਰਮ ਸ਼ਾਮਲ ਹਨ। ਮੁਲਜ਼ਮ ਨੂੰ ਰਿਲੀਜ਼ ਮਗਰੋਂ 16 ਸਾਲ ਤੋਂ ਘੱਟ ਉਮਰ ਦੇ ਕਿਸੇ ਵੀ ਬੱਚੇ ਦੇ ਸੰਪਰਕ ਵਿਚ ਆਉਣ ਦੀ ਮਨਾਹੀ ਕੀਤੀ ਗਈ ਹੈ, ਨਾਲ ਹੀ ਉਹ ਡੇਅ ਕੇਅਰ, ਸਕੂਲਾਂ, ਪਾਰਕਾਂ, ਖੇਡ ਦੇ ਮੈਦਾਨਾਂ ਜਾਂ ਸਵਿਮਿੰਗ ਪੂਲ ਦੇ ਨੇੜੇ ਨਹੀਂ ਜਾ ਸਕਦਾ।

ਗੌਰਤਲਬ ਹੈ ਕਿ ਇਹ ਮਾਮਲਾ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਹਾਲ ਹੀ ਵਿਚ ਸਰੀ ਵਿਚ ਵੀ ਇੱਕ ਹਾਈ ਰਿਸਕ ਸੈਕਸ ਓਫੈਂਡਰ ਨੂੰ ਰਿਲੀਜ਼ ਕਰਦੇ ਹੋਏ ਇਸ ਤਰ੍ਹਾਂ ਦੀ ਚਿਤਾਵਨੀ ਦਿੱਤੀ ਗਈ ਸੀ ਅਤੇ ਇਸ ਤੋਂ ਨਾਰਾਜ਼ ਮੇਅਰ ਬ੍ਰੈਂਡਾ ਲੌਕ ਨੇ ਕੈਨੇਡਾ ਦੇ ਰਿਲੀਜ਼ ਲਾਅ ਵਿਚ ਬਦਲਾਅ ਦੀ ਮੰਗ ਕਰਦਿਆਂ ਫੈਡਰਲ ਸਰਕਾਰ ਨੂੰ ਪੱਤਰ ਲਿਖਿਆ ਸੀ।