20.28C Vancouver 20.28C VancouverSep 10, 2025 6:57 PM - Connect Newsroom
ਵੈਨਕੂਵਰ ਵਿਚ ਫਿਲੀਪੀਨੋ ਕਮਿਊਨਿਟੀ ਦੇ ਲਾਪੂ ਲਾਪੂ ਡੇਅ ਫੈਸਟੀਵਲ ਵਿਚ ਕਾਰ ਨਾਲ ਲੋਕਾਂ ਨੂੰ ਕੁਚਲਣ ਵਾਲੇ 30 ਸਾਲਾ ਕਾਈ-ਜੀ ਐਡਮ ਲੋਅ ਨੂੰ ਟਰਾਇਲ ਦਾ ਸਾਹਮਣਾ ਕਰਨਾ ਪਵੇਗਾ, ਬੀ. ਸੀ. ਦੇ ਇੱਕ ਜੱਜ ਨੇ ਅੱਜ ਇੱਕ ਫੈਸਲੇ ਵਿਚ ਐਡਮ ਲੋਅ ਨੂੰ ਮੁਕੱਦਮੇ ਦਾ ਸਾਹਮਣਾ ਕਰਨ ਲਈ ਮਾਨਸਿਕ ਤੌਰ 'ਤੇ ਫਿੱਟ ਕਰਾਰ ਦਿੱਤਾ ਹੈ। ਲੋਅ ਹੁਣ 42 ਦੋਸ਼ਾਂ ਦਾ ਸਾਹਮਣਾ ਕਰੇਗਾ।
ਵੈਨਕੂਵਰ ਪੁਲਿਸ ਵਲੋਂ ਚੱਲ ਰਹੀ ਜਾਂਚ ਦੇ ਸਬੰਧ ਵਿਚ ਉਸ ਉਤੇ ਕਤਲ ਦੀ ਕੋਸ਼ਿਸ਼ ਦੇ 31 ਨਵੇਂ ਦੋਸ਼ ਲਗਾਏ ਗਏ ਹਨ। ਇਹ ਨਵੇਂ ਦੋਸ਼ ਐਡਮ ਲੋਅ ਖਿਲਾਫ ਪਹਿਲਾਂ ਲਗਾਏ ਗਏ ਸੈਕਿੰਡ ਡਿਗਰੀ ਮਰਡਰ ਦੇ 11 ਦੋਸ਼ਾਂ ਤੋਂ ਇਲਾਵਾ ਹਨ। ਕਾਈ-ਜੀ ਐਡਮ ਲੋਅ ਨੇ 26 ਅਪ੍ਰੈਲ ਨੂੰ ਸਟ੍ਰੀਟ ਫੈਸਟੀਵਲ ਦੌਰਾਨ ਭੀੜ ਨੂੰ ਐਸ.ਯੂ.ਵੀ. ਨਾਲ ਦਰੜ ਦਿੱਤਾ ਸੀ। ਲੋਅ ਉਸ ਸਮੇਂ ਮੈਂਟਲ ਹੈਲਥ ਐਕਟ ਦੀਆਂ ਸ਼ਰਤਾਂ ਦੇ ਅਧੀਨ ਸੀ, ਫਿਰ ਵੀ ਉਹ ਕਮਿਊਨਿਟੀ ਵਿਚ ਖੁੱਲ੍ਹਾ ਘੁੰਮ ਰਿਹਾ ਸੀ। ਘਟਨਾ ਤੋਂ ਬਾਅਦ ਦੇ ਦਿਨਾਂ ਤੋਂ ਉਸ ਨੂੰ ਬਿਨਾਂ ਜ਼ਮਾਨਤ ਦੇ ਇੱਕ ਸੁਰੱਖਿਅਤ ਮਾਨਸਿਕ ਸਿਹਤ ਸਹੂਲਤ ਵਿਚ ਰੱਖਿਆ ਗਿਆ ਹੈ।
ਚੀਫ਼ ਕਾਂਸਟੇਬਲ ਸਟੀਵ ਰਾਏ ਨੇ ਕਿਹਾ ਕਿ ਇਹ ਸਾਡੇ ਸ਼ਹਿਰ ਵਿਚ ਹੁਣ ਤੱਕ ਦੀਆਂ ਸਭ ਤੋਂ ਭਿਆਨਕ ਘਟਨਾਵਾਂ ਵਿਚੋਂ ਇੱਕ ਸੀ ਅਤੇ ਉਹਲਾਪੂ ਲਾਪੂ ਡੇਅ ਫੈਸਟੀਵਲ ਦੇ ਪੀੜਤਾਂ ਪ੍ਰਤੀ ਆਪਣੀ ਡੂੰਘੀ ਸੰਵੇਦਨਾ ਪ੍ਰਗਟ ਕਰਦੇ ਹਨ।
