13.51C Vancouver 13.51C VancouverMar 31, 2025 7:21 PM - The Canadian Press
ਕੈਲਗਰੀ ਦੇ ਇਕ ਮਸਾਜ ਥੈਰੇਪਿਸਟ ਨੂੰ ਜਿਨਸੀ ਸ਼ੋਸ਼ਣ ਕਰਨ ਦੇ 3 ਹੋਰ ਦੋਸ਼ਾਂ ਲਈ ਚਾਰਜ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ 46 ਸਾਲਾ ਡੋਨਲਡ ਪੈਟ੍ਰਿਕ ਹੈਰਿਸ ਪਹਿਲਾਂ ਵੀ ਅਜਿਹੇ ਮਾਮਲੇ ਵਿਚ ਜਨਵਰੀ ਮਹੀਨੇ ਚਾਰਜ ਕੀਤਾ ਗਿਆ ਸੀ। ਕੈਨਿਯਨ ਮੀਡੋਜ਼ ਡਰਾਈਵ ਸਾਊਥ ਈਸਟ ਵਿਚ ਉਹ ਪਾਰਕਵਿਊ ਮਸਾਜ ਅਤੇ ਵੈਲਨੈੱਸ ਵਿਚ ਕੰਮ ਕਰਦਾ ਸੀ ਅਤੇ ਇੱਥੇ ਉਸ ਨੇ ਕਈ ਔਰਤਾਂ ਨਾਲ ਮਸਾਜ ਦੇ ਬਹਾਨੇ ਅਸ਼ਲੀਲ ਹਰਕਤਾਂ ਕੀਤੀਆਂ। ਉਸ ਨੂੰ 11 ਮਾਰਚ ਨੂੰ ਚਾਰਜ ਕੀਤਾ ਗਿਆ ਸੀ।
ਇਸ ਦੇ ਬਾਅਦ ਹੋਰ ਪੀੜਤਾਂ ਵਲੋਂ ਵੀ ਉਸ ਖਿਲਾਫ ਸ਼ਿਕਾਇਤਾਂ ਕੀਤੀਆਂ ਗਈਆਂ। ਪੁਲਿਸ ਨੇ ਇਹ ਪੁਸ਼ਟੀ ਨਹੀਂ ਕੀਤੀ ਕਿ ਹੋਰ ਪੀੜਤ ਔਰਤਾਂ ਉਸ ਦੀਆਂ ਗਾਹਕ ਸਨ ਜਾਂ ਨਹੀਂ। ਪੁਲਿਸ ਮੁਤਾਬਕ ਉਸ ਨੂੰ 8 ਮਈ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ। ਪੁਲਿਸ ਨੇ ਕਿਹਾ ਕਿ ਜੇਕਰ ਕੋਈ ਹੋਰ ਪੀੜਤ ਹੋਵੇ ਤਾਂ ਉਹ ਉਨ੍ਹਾਂ ਨੂੰ ਇਸ ਸਬੰਧੀ ਜਾਣਕਾਰੀ ਦੇ ਕੇ ਮਦਦ ਲੈ ਸਕਦਾ ਹੈ।
