18.05C Vancouver 18.05C VancouverApr 6, 2026 7:22 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਵਿਚ ਤਿੰਨ ਸੰਸਦੀ ਸੀਟਾਂ 'ਤੇ ਜ਼ਿਮਨੀ ਚੋਣ ਲਈ ਐਡਵਾਂਸ ਵੋਟਿੰਗ ਅੱਜ ਰਾਤ ਸਮਾਪਤ ਹੋ ਰਹੀ ਹੈ। ਇਹ ਜ਼ਿਮਨੀ ਚੋਣਾਂ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਲਿਬਰਲ ਸਰਕਾਰ ਲਈ ਬਹੁਤ ਮਹੱਤਵਪੂਰਨ ਹਨ ਕਿਉਂਕਿ ਇਹ ਨਤੀਜੇ ਉਨ੍ਹਾਂ ਨੂੰ ਹਾਊਸ ਔਫ ਕੌਮਨਜ਼ ਵਿਚ ਬਹੁਮਤ ਦਿਵਾ ਸਕਦੇ ਹਨ।
ਪ੍ਰਧਾਨ ਮੰਤਰੀ ਨੇ ਪਿਛਲੇ ਮਹੀਨੇ ਟੋਰੌਂਟੋ ਖੇਤਰ ਦੀਆਂ ਦੋ ਸੀਟਾਂ ਸਕਾਰਬਰੋ-ਸਾਊਥ ਵੈਸਟ, ਯੂਨੀਵਰਸਿਟੀ-ਰੋਜ਼ਡੇਲ ਅਤੇ ਮਾਂਟਰੀਅਲ਼ ਦੀ ਰਾਈਡਿੰਗ ਟੈਰੇਬੋਨ ਵਿਚ 13ਅਪ੍ਰੈਲ ਨੂੰ ਜ਼ਿਮਨੀ ਚੋਣ ਕਰਵਾਉਣ ਦਾ ਐਲਾਨ ਕੀਤਾ ਸੀ। ਯੂਨੀਵਰਸਿਟੀ-ਰੋਜ਼ਡੇਲ ਸੀਟ ਕ੍ਰਿਸਟੀਆ ਫ੍ਰੀਲੈਂਡ ਦੇ ਅਸਤੀਫ਼ੇ ਤੋਂ ਬਾਅਦ ਖਾਲੀ ਹੋਈ ਸੀ।
ਸਕਾਰਬਰੋ-ਸਾਊਥ ਵੈਸਟ ਸੀਟ ਬਿਲ ਬਲੇਅਰ ਦੇ ਯੂਕੇ ਵਿਚ ਹਾਈ ਕਮਿਸ਼ਨਰ ਨਿਯੁਕਤ ਹੋਣ ਤੋਂ ਬਾਅਦ ਖਾਲੀ ਹੋਈ ਸੀ। ਟੈਰੇਬੋਨ ਸੀਟ 'ਤੇ ਤਾਜ਼ਾ ਚੋਣ ਸੁਪਰੀਮ ਕੋਰਟ ਵੱਲੋਂ ਪਿਛਲੀ ਚੋਣ ਦੇ ਨਤੀਜੇ ਰੱਦ ਕੀਤੇ ਜਾਣ ਤੋਂ ਬਾਅਦ ਰਹੀ ਹੈ। ਜੇਕਰ ਲਿਬਰਲ ਪਾਰਟੀ ਟੋਰੌਂਟੋ ਦੀਆਂ ਦੋਵੇਂ ਸੀਟਾਂ ਜਿੱਤ ਜਾਂਦੀ ਹੈ ਤਾਂ ਉਹਨਾਂ ਕੋਲ 172 ਸੀਟਾਂ ਹੋ ਜਾਣਗੀਆਂ, ਜੋ ਬਹੁਮਤ ਲਈ ਕਾਫ਼ੀ ਹਨ।
ਹਾਲਾਂਕਿ, ਸਪੀਕਰ ਦੇ ਵੋਟ ਨਾ ਪਾਉਣ ਕਾਰਨ ਉਨ੍ਹਾਂ ਨੂੰ ਅਜੇ ਵੀ ਇੱਕ ਵਾਧੂ ਸੀਟ ਦੀ ਲੋੜ ਪੈ ਸਕਦੀ ਹੈ। ਇਸ ਲਈ ਸਭ ਦੀਆਂ ਨਜ਼ਰਾਂ ਟੈਰੇਬੋਨ 'ਤੇ ਟਿਕੀਆਂ ਹਨ, ਜਿੱਥੇ ਲਿਬਰਲ ਅਤੇ ਬਲਾਕ ਕਿਊਬੈਕਵਾ ਵਿਚਕਾਰ ਸਖ਼ਤ ਟੱਕਰ ਮੰਨੀ ਜਾ ਰਹੀ ਹੈ।
