17.98C Vancouver 17.98C VancouverMay 6, 2020 10:34 PM -
ਮੈਟਰੋ ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਹੋ ਸਕਦਾ ਹੈ ਕਿ ਗੈਂਗਸ ਵੱਲੋਂ ਖੁਦ ਹੀ ਗੈਰਕਨੂੰਨੀ ਡਰੱਗਸ ਤਿਆਰ ਕੀਤੇ ਜਾ ਰਹੇ ਹੋਣ ਅਤੇ ਕੋਵਿਡ-19 ਕਾਰਨ ਬਾਰਡਰ ਬੰਦ ਹੋਣ ਕਾਰਨ ਅਜਿਹਾ ਕਰਨ ਦੀ ਸੰਭਾਵਨਾ ਵੱਧ ਮੰਨੀ ਜਾ ਰਹੀ ਹੈ।
ਵੈਨਕੂਵਰ ਪੁਲਿਸ ਨੇ ਅੱਜ ਦੱਸਿਆ ਕਿ ਅਫਸਰਾਂ ਨੇ ਕਈ ਮਿਲੀਅਨ ਡਾਲਰਾਂ ਦੀ ਕੀਮਤ ਵਾਲੇ ਡਰੱਗਸ ਜ਼ਬਤ ਕੀਤੇ ਹਨ।
ਇਸਦੇ ਵਿੱਚ ਕਰੀਬ 20 ਕਿਲੋਗ੍ਰਾਮ ਫੈਂਟਾਨਿਲ ਹੋਣ ਸੰਬੰਧੀ ਵੀ ਸ਼ੱਕ ਜ਼ਾਹਿਰ ਕੀਤਾ ਜਾ ਰਿਹਾ ਹੈ।
4 ਮਹੀਨੇ ਦੀ ਜਾਂਚ ਤੋਂ ਬਾਅਦ ਹੋਈ ਛਾਪੇਮਾਰੀ ਦੌਰਾਨ ਇਹ ਨਸ਼ੇ ਜ਼ਬਤ ਕੀਤੇ ਗਏ ਹਨ।
ਇੰਸਪੈਕਟਰ ਬਿਲ ਸਪਰਨ ਦਾ ਕਹਿਣਾ ਹੈ ਕਿ ਜ਼ਬਤ ਕੀਤੇ ਗਏ ਡਰੱਗਸ ਦਰਸ਼ਾਉਂਦੇ ਹਨ ਕਿ ਗੈਂਗਸ ਇਹ ਨਸ਼ੇ ਖੁਦ ਤਿਆਰ ਕਰ ਰਹੇ ਹੋ ਸਕਦੇ ਹਨ।
ਉਨ੍ਹਾਂ ਦੱਸਿਆ ਕਿ ਇਹ ਇੱਕ ਹੋਰ ਉਦਾਹਰਣ ਹੈ ਕਿ ਗੈਂਗਸ ਕਿਵੇਂ ਡਰੱਗ ਤਸਕਰੀ ਦੇ ਤਰੀਕਿਆਂ ਵਿੱਚ ਤਬਦੀਲੀ ਕਰ ਰਹੇ ਹਨ।
ਇਸ ਮਾਮਲੇ 'ਚ 8 ਲੋਕਾਂ ਦੀ ਗਿਰਫਤਾਰੀ ਹੋਈ, ਪਰ ਉਨ੍ਹਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ।
ਵਧੇਰੇ ਜਾਂਚ ਤੋਂ ਬਾਅਦ ਹੀ ਇਨ੍ਹਾਂ 'ਤੇ ਦੋਸ਼ ਤੈਅ ਕੀਤੇ ਜਾਣਗੇ।
