12.59C Vancouver 12.59C VancouverSep 8, 2022 9:48 PM - The Canadian Press
ਕਵੀਨ ਐਲਿਜ਼ਾਬੈਥ ਦੇ ਦੇਹਾਂਤ ਤੋਂ ਬਾਅਦ ਉਨ੍ਹਾਂ ਦੇ ਪੁੱਤਰ ਪ੍ਰਿੰਸ ਚਾਰਲਸ ਤੁਰੰਤ ਕਿੰਗ ਬਣ ਗਏ ਹਨ।
ਪ੍ਰਿੰਸ ਚਾਰਲਸ ਦੀ ਉਮਰ 73 ਸਾਲ ਹੈ ਅਤੇ ਉਹ ਸਭ ਤੋਂ ਵੱਧ ਉਮਰ ਦੇ ਵਿਅਕਤੀ ਬਣਨ ਜਾ ਰਹੇ ਹਨ ਜੋ ਬ੍ਰਿਟਿਸ਼ ਤਖਤ ਨੂੰ ਸੰਭਾਲਣ ਦੀ ਜਿੰਮੇਵਾਰੀ ਚੁੱਕਣਗੇ।
ਉਨ੍ਹਾਂ ਨੂੰ ਹੁਣ 'ਕਿੰਗ ਚਾਰਲਸ ਦ ਥਰਡ' ਵਜੋਂ ਜਾਣਿਆ ਜਾਵੇਗਾ।
ਕਿੰਗ ਚਾਰਲਸ ਦੀ ਕੋਰੋਨੇਸ਼ਨ ਲਈ ਕੋਈ ਤਾਰੀਕ ਨਹੀਂ ਦਿੱਤੀ ਗਈ ਹੈ।
ਸਾਰੀ ਉਮਰ ਦੀ ਤਿਆਰੀ ਤੋਂ ਬਾਅਦ ਆਖਿਰ ਉਹ ਮੌਕਾ ਆ ਗਿਆ ਹੈ ਜਦ ਪ੍ਰਿੰਸ ਚਾਰਲਸ, ਕਿੰਗ ਚਾਰਲਸ ਬਣਨ ਜਾ ਰਹੇ ਹਨ।
ਕਿੰਗ ਚਾਰਲਸ ਸਾਹਮਣੇ ਇੱਕ ਵੱਡੀ ਚੁਣੌਤੀ ਹੋਵੇਗੀ ਕਿ ਬ੍ਰਿਟਿਸ਼ ਪਬਲਿਕ ਅਤੇ ਬਾਕੀ ਵਿਸ਼ਵ ਨਾਲ ਉਸੇ ਪ੍ਰਕਾਰ ਦਾ ਵਿਸ਼ਵਾਸ ਭਰਿਆ ਰਿਸ਼ਤਾ ਕਾਇਮ ਕੀਤਾ ਜਾ ਸਕੇ ਜੋ ਉਨ੍ਹਾਂ ਦੀ ਮਾਂ ਸਥਾਪਿਤ ਕਰਨ 'ਚ ਕਾਮਯਾਬ ਰਹੀ ਸਨ।
ਕੀ ਕਿੰਗ ਚਾਰਲਸ ਨੂੰ ਬ੍ਰਿਟਿਸ਼ ਪਬਲਿਕ ਤੋਂ ਉਸੇ ਕਿਸਮ ਦਾ ਪਿਆਰ ਹਾਸਿਲ ਹੋ ਸਕੇਗਾ ਜੋ ਉਨ੍ਹਾਂ ਨੂੰ ਮਾਂ ਨੂੰ ਮਿਲਦਾ ਸੀ ?
ਇਹ ਸਵਾਲ ਕਈ ਸਾਲਾਂ ਤੋਂ ਪੁੱਛਿਆ ਜਾਂਦਾ ਰਿਹਾ ਹੈ ਤੇ ਸ਼ਾਇਦ ਹੁਣ ਇਸ ਸਵਾਲ ਦਾ ਜਵਾਬ ਜਲਦੀ ਹੀ ਸਭ ਦੇ ਸਾਹਮਣੇ ਹੋਵੇਗਾ।
