18.97C Vancouver 18.97C VancouverApr 17, 2026 5:36 PM - Connect Newsroom - Ramandeep Kaur with files from The Canadian Press
ਏਅਰ ਕੈਨੇਡਾ ਨੇ ਜੈੱਟ ਫਿਊਲ ਕੀਮਤਾਂ ਦਾ ਹਵਾਲਾ ਦਿੰਦੇ ਹੋਏ ਟੌਰੋਂਟੋ ਅਤੇ ਮਾਂਟਰੀਅਲ ਤੋਂ ਨਿਊਯਾਰਕ ਦੇ ਜੌਨ ਐੱਫ. ਕੈਨੇਡੀ ਇੰਟਰਨੈਸ਼ਨਲ ਏਅਰਪੋਰਟ ਲਈ ਆਪਣੀਆਂ ਫਲਾਈਟ ਨੂੰ ਅਸਥਾਈ ਤੌਰ 'ਤੇ ਸਸਪੈਂਡ ਕਰਨ ਦਾ ਫੈਸਲਾ ਕੀਤਾ ਹੈ। ਏਅਰ ਲਾਈਨ ਅਨੁਸਾਰ, ਇਹ ਉਡਾਣਾਂ 1 ਜੂਨ ਤੋਂ ਬੰਦ ਕਰ ਦਿੱਤੀਆਂ ਜਾਣਗੀਆਂ ਅਤੇ 25 ਅਕਤੂਬਰ ਨੂੰ ਮੁੜ ਸ਼ੁਰੂ ਹੋਣ ਦੀ ਉਮੀਦ ਹੈ।
ਕੰਪਨੀ ਦੇ ਬੁਲਾਰੇ ਨੇ ਸਪੱਸ਼ਟ ਕੀਤਾ ਕਿ ਈਰਾਨ ਸੰਘਰਸ਼ ਕਾਰਨ ਤੇਲ ਦੀਆਂ ਕੀਮਤਾਂ ਦੁੱਗਣੀਆਂ ਹੋ ਗਈਆਂ ਹਨ, ਜਿਸ ਕਾਰਨ ਘੱਟ ਮੁਨਾਫੇ ਵਾਲੇ ਰਸਤੇ 'ਤੇ ਸੰਚਾਲਨ ਜਾਰੀ ਰੱਖਣਾ ਆਰਥਿਕ ਪੱਖੋਂ ਸੰਭਵ ਨਹੀਂ ਰਿਹਾ। ਬੁਲਾਰੇ ਨੇ ਕਿਹਾ ਕਿ ਜਿਨ੍ਹਾਂ ਯਾਤਰੀਆਂ ਨੇ ਪਹਿਲਾਂ ਹੀ ਟਿਕਟਾਂ ਬੁੱਕ ਕਰ ਲਈਆਂ ਹਨ, ਉਨ੍ਹਾਂ ਨੂੰ ਬਦਲਵੇਂ ਪ੍ਰਬੰਧਾਂ ਲਈ ਸੰਪਰਕ ਕੀਤਾ ਜਾਵੇਗਾ।
ਹਾਲਾਂਕਿ,ਜੌਨ ਐੱਫ. ਕੈਨੇਡੀ ਇੰਟਰਨੈਸ਼ਨਲ ਏਅਰਪੋਰਟ ਲਈ ਸੇਵਾ ਬੰਦ ਹੋ ਰਹੀ ਹੈ ਪਰ ਏਅਰ ਕੈਨੇਡਾ ਨੇ ਕਿਹਾ ਹੈ ਕਿ ਕੰਪਨੀ ਕੈਨੇਡਾ ਤੋਂ ਨਿਊਯਾਰਕ ਦੇ ਲਾਗਾਰਡੀਆ ਅਤੇ ਨਿਊ ਜਰਸੀ ਦੇ ਨਿਊਆਰਕ ਹਵਾਈ ਅੱਡਿਆਂ ਲਈ ਆਪਣੀਆਂ ਰੋਜ਼ਾਨਾ 34 ਉਡਾਣਾਂ ਪਹਿਲਾਂ ਵਾਂਗ ਜਾਰੀ ਰੱਖੇਗੀ।
