18.31C Vancouver 18.31C VancouverFeb 24, 2020 10:30 PM -
ਐਲਬਰਟਾ ਕੋਰਟ ਔਫ ਅਪੀਲ ਨੇ ਅਹਿਮ ਫੈਸਲਾ ਸੁਣਾਉਂਦੇ ਹੋਏ, ਫੈਡਰਲ ਕਾਰਬਨ ਟੈਕਸ ਨੂੰ ਗੈਰਕਨੂੰਨੀ ਕਰਾਰ ਦਿੱਤਾ ਹੈ।
5 ਵਿੱਚੋਂ 4 ਜੱਜਾਂ ਨੇ ਇਸਦੇ ਪੱਖ 'ਚ ਫੈਸਲਾ ਸੁਣਾਇਆ। ਯਾਦ ਰਹੇ ਬੀਤੇ ਸਾਲ ਔਂਟੈਰੀਓ ਅਤੇ ਸਸਕੈਚਵਿਨ 'ਚ ਅਦਾਲਤਾਂ ਨੇ ਕਾਰਬਨ ਟੈਕਸ ਨੂੰ ਕਨੂੰਨੀ ਤੌਰ 'ਤੇ ਸਹੀ ਠਿਹਰਾਇਆ ਸੀ।
ਆਪਣੇ ਫੈਸਲਾ ਦੌਰਾਨ ਜਸਟਿਸ ਕੈਥਰੀਨ ਫਰੇਜ਼ਰ, ਜੈਕ ਵਾਟਸਨ ਅਤੇ ਐਲਿਜ਼ਾਬੈਥ ਹਿਊਗਸ (Justice Katherine Fraser, Jack Watson, Elizabeth Hughes) ਨੇ ਕਿਹਾ ਕਿ ਫੈਡਰਲ ਸਟੇਟ ਦੇ ਲਈ, ਤਾਕਤ ਇੱਕ ਮੁੱਖ ਮਸਲਾ ਹੈ, ਅਤੇ ਫੈਡਰਲ ਅਤੇ ਸੂਬਾ ਪੱਧਰੀ ਸਰਕਾਰਾਂ, ਕੋ-ਇਕਵਲ, ਯਾਨੀ ਕਿ ਇੱਕ ਸਮਾਨ ਹਨ।
ਦੋਨੇ ਸਰਕਾਰਾਂ ਆਪਣੇ ਆਪ 'ਚ ਸੁਪ੍ਰੀਮ ਹਨ।
ਫੈਡਰਲ ਸਰਕਾਰ ਮਾਪਿਆਂ ਵਰਗੀ ਨਹੀਂ ਹੈ, ਅਤੇ ਸੂਬਾ ਸਰਕਾਰ ਬੱਚਿਆਂ ਵਰਗੀ ਨਹੀਂ ਹੈ।
ਐਲਬਰਟਾ ਦੇ ਪ੍ਰੀਮਿਅਰ ਜੇਸਨ ਕੈਨੀ ਨੇ ਅਦਾਲਤ ਦੇ ਫੈਸਲੇ ਦਾ ਸਵਾਗਤ ਕੀਤਾ ਹੈ।
ਦੂਜੇ ਪਾਸੇ ਫੈਡਰਲ ਵਾਤਾਵਰਨ ਮੰਤਰੀ ਜੋਨਾਥਨ ਵਿਲਕਿੰਸਨ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਸੁਪ੍ਰੀਮ ਕੋਰਟ ਦੇ ਫੈਸਲੇ ਦੀ ਉਡੀਕ ਕਰੇਗੀ, ਅਤੇ ਉਨ੍ਹਾਂ ਸੁਪ੍ਰੀਮ ਕੋਰਟ ਦਾ ਫੈਸਲਾ ਉਨ੍ਹਾਂ ਦੇ ਪੱਖ 'ਚ ਆਉਣ ਦੀ ਉਮੀਦ ਜਤਾਈ।
