ਐਲਬਰਟਾ, ਔਟਵਾ ਅਤੇ ਤੇਲ ਕੰਪਨੀਆਂ ਵਿਚਕਾਰ ਪਾਥਵੇਅ CCS ਪ੍ਰੋਜੈਕਟ ਲਈ ਹੋਇਆ ਸਮਝੌਤਾ

ਐਲਬਰਟਾ ਸਰਕਾਰ,ਔਟਵਾ ਅਤੇ ਪੰਜ ਮੁੱਖ ਤੇਲ ਉਤਪਾਦਕਾਂ ਵਿਚਕਾਰ ਮਲਟੀ ਬਿਲੀਅਨ ਡਾਲਰ ਦੇ ਪਾਥਵੇਅ ਕਾਰਬਨ ਕੈਪਚਰ ਅਤੇ ਸਟੋਰੇਜ (CCS) ਪ੍ਰੋਜੈਕਟ ਨੂੰ ਅੱਗੇ ਵਧਾਉਣ ਲਈ memorandum of understanding ਕੀਤਾ ਗਿਆ ਹੈ। ਇਹ ਪ੍ਰੋਜੈਕਟ ਵੈਸਟ ਕੋਸਟ ਵੱਲ ਜਾਣ ਵਾਲੀ ਇੱਕ ਨਵੀਂ ਤੇਲ ਪਾਈਪਲਾਈਨ ਦੇ ਨਿਰਮਾਣ ਲਈ ਸਭ ਤੋਂ ਮੁੱਖ ਸ਼ਰਤ ਹੈ। MOU ਤਹਿਤ ਕੈਨੇਡਾ ਦੀ ਆਰਥਿਕਤਾ ਅਤੇ ਵਾਤਾਵਰਣ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕਈ ਟੀਚੇ ਮਿੱਥੇ ਗਏ ਹਨ।

ਵੈਸਟ ਕੋਸਟ ਔਇਲ ਪਾਈਪਲਾਈਨ ਰਾਹੀਂ ਕੈਨੇਡੀਅਨ ਕੱਚੇ ਤੇਲ ਨੂੰ ਵਿਸ਼ਵ ਭਰ ਦੇ ਬਜ਼ਾਰਾਂ ਤੱਕ ਪਹੁੰਚਾਇਆ ਜਾਵੇਗਾ। ਓਲੰਪਿਕ ਪੱਧਰ ਦੇ ਇਸ ਸਭ ਤੋਂ ਵੱਡੇ ਕਾਰਬਨ ਕੈਪਚਰ ਪ੍ਰੋਜੈਕਟ ਰਾਹੀਂ ਸਾਲਾਨਾ 16 ਮਿਲੀਅਨ ਟਨ ਕਾਰਬਨ ਨਿਕਾਸੀ ਨੂੰ ਘਟਾਉਣ ਦਾ ਸਾਂਝਾ ਟੀਚਾ ਹੈ।

ਪਾਥਵੇਅ CCS ਪ੍ਰੋਜੈਕਟ ਦੇ ਪਹਿਲੇ ਪੜਾਅ ਤਹਿਤ 1 ਜਨਵਰੀ 2032 ਤੱਕ ਸਾਂਝਾ ਟ੍ਰਾਂਸਪੋਰਟੇਸ਼ਨ ਅਤੇ ਸਟੋਰੇਜ ਨੈੱਟਵਰਕ ਚਾਲੂ ਹੋਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਐਲਬਰਟਾ ਸਰਕਾਰ ਕਾਰਬਨ ਕੈਪਚਰ ਲਈ ਆਪਣੇ incentive ਪ੍ਰੋਗਰਾਮ ਨੂੰ ਅੰਤਿਮ ਰੂਪ ਦੇਵੇਗੀ।