13.08C Vancouver 13.08C VancouverSep 18, 2024 1:51 PM - The Canadian Press
ਐਲਬਰਟਾ ਸਰਕਾਰ ਨੇ ਸੂਬੇ ਵਿਚ ਨਵੇਂ 30 ਸਕੂਲ ਖੋਲ੍ਹਣ ਲਈ $8.6 ਅਰਬ ਦਾ ਖਰਚਾ ਕਰਨ ਦਾ ਐਲਾਨ ਕੀਤਾ ਹੈ। ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਕੱਲ ਸ਼ਾਮ ਟੀ. ਵੀ.'ਤੇ ਐਲਾਨ ਕੀਤਾ ਕਿ ਸੂਬਾ ਅਗਲੇ 7 ਸਾਲਾਂ ਵਿਚ ਨਵੇਂ 30 ਸਕੂਲ ਅਤੇ 200,000 ਹੋਰ ਵਿਦਿਆਰਥੀਆਂ ਲਈ ਥਾਂ ਦੀ ਤਿਆਰੀ ਕਰੇਗਾ। ਉਨ੍ਹਾਂ ਇਸ ਨੂੰ “ਇਕਮੁਸ਼ਤ ਪੂੰਜੀ ਨਿਵੇਸ਼" ਦਾ ਨਾਮ ਦਿੱਤਾ ਹੈ।
ਇਸ ਪ੍ਰੋਗਰਾਮ ਅਧੀਨ 8 ਸਕੂਲਾਂ ਨੂੰ ਅਗਲੇ ਤਿੰਨ ਸਾਲਾਂ ਤੱਕ ਆਧੁਨਿਕੀਕਰਨ ਕਰਨ ਲਈ ਕੰਮ ਕੀਤਾ ਜਾਵੇਗਾ। ਸਮਿਥ ਨੇ ਕਿਹਾ ਕਿ ਸਕੂਲਾਂ ਦੀ ਉਸਾਰੀ ਲਈ ਪਰਮਿਟ, ਤਿਆਰੀ ਅਤੇ ਸਕੂਲ ਸਾਈਟ ਸਰਵਿਸਸ ਮੁਹੱਈਆ ਕਰਵਾਉਣ ਲਈ ਉਹ ਜਲਦੀ ਤੋਂ ਜਲਦੀ ਅਤੇ ਤੇਜ਼ੀ ਨਾਲ ਕੰਮ ਕਰਵਾਉਣ ਜਾ ਰਹੇ ਹਨ। ਇਹ ਪ੍ਰੋਗਰਾਮ 2025 ਦੇ ਪਹਿਲੇ ਤਿੰਨ ਮਹੀਨਿਆਂ ਵਿਚ ਅਗਲੇ ਸੂਬਾਈ ਬਜਟ ਰਾਹੀਂ ਸ਼ੁਰੂ ਹੋਵੇਗਾ।
ਇਸ ਫੰਡਿੰਗ ਦਾ ਕੁਝ ਹਿੱਸਾ “ਚਾਰਟਰ ਸਕੂਲ ਐਕਸਲੇਟਰ ਪ੍ਰੋਗਰਾਮ" ਲਈ ਵਰਤਿਆ ਜਾਵੇਗਾ ਅਤੇ ਸਰਕਾਰ ਅਗਲੇ 4 ਸਾਲਾਂ ਵਿਚ 12,500 ਨਵੀਆਂ ਚਾਰਟਰ ਸਕੂਲ ਵਿਦਿਆਰਥੀ ਸਪੇਸ ਤਿਆਰ ਕਰਾਵੇਗੀ। ਗੌਰਤਲਬ ਹੈ ਕਿ ਸੂਬੇ ਵਿਚ ਪਿਛਲੇ ਸਾਲ ਜਨਸੰਖਿਆ ਵਿਚ 4.4 ਫੀਸਦੀ ਦਾ ਵਾਧਾ ਹੋਇਆ ਹੈ,ਇਸ ਲਈ ਵਧੇਰੇ ਸਕੂਲਾਂ ਦੀ ਜ਼ਰੂਰਤ ਹੈ।
