17.8C Vancouver 17.8C VancouverJun 22, 2022 2:59 PM - THE CANADIAN PRESS
ਪ੍ਰੀਮੀਅਰ ਜੇਸਨ ਕੈਨੀ ਵੱਲੋਂ ਐਲਬਰਟਾ ਦੀ ਕੈਬਨਿਟ ਵਿਚ ਫੇਰਬਦਲ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਇਹ ਕਦਮ ਉਸ ਸਮੇਂ ਉਠਾਇਆ ਹੈ ਜਦੋਂ ਉਨ੍ਹਾਂ ਵੱਲੋਂ ਅਸਤੀਫ਼ੇ ਦਾ ਐਲਾਨ ਕਰਨ ਮਗਰੋਂ ਪਾਰਟੀ ਨਵੇਂ ਲੀਡਰ ਦੀ ਚੋਣ ਲਈ ਚੋਣਾਂ ਕਰਾਉਣ ਜਾ ਰਹੀ ਹੈ।
ਇਨਵਾਇਰਮੈਂਟ ਮਿਨਿਸਟਰ ਜੇਸਨ ਨਿਕਸਨ ਨੂੰ ਫਾਇਨੈਂਸ ਮਿਨਿਸਟਰ, ਜਦੋਂ ਕਿ ਇਨਵਾਇਰਮੈਂਟ ਐਂਡ ਪਾਰਕਸ ਪੋਰਟਫੋਲੀਓ ਵਿਟਨੀ ਇਸਿਕ ਨੂੰ ਸੌਂਪ ਦਿੱਤਾ ਗਿਆ ਹੈ।
ਕੈਲਗਰੀ ਸਾਊਥ ਈਸਟ ਦੇ ਐੱਮ. ਐੱਲ. ਏ. ਮੈਟ ਜੋਨਸ ਚਿਲਡਰਨ ਸਰਵਿਸਿਜ਼ ਦੇ ਨਵੇਂ ਮਿਨਿਸਟਰ ਹੋਣਗੇ। ਉੱਥੇ ਹੀ, ਕੈਲਗਰੀ-ਕਰੀ ਮੈਂਬਰ ਨਿਕੋਲਸ ਮਿਲਿਕਨ ਇੰਫਰਾਸਟ੍ਰਕਚਰ ਮਹਿਕਮਾ ਦੇਖਣਗੇ ਅਤੇ ਪਹਿਲਾਂ ਇਸ ਮਹਿਕਮੇ ਨੂੰ ਸੰਭਾਲ ਰਹੇ ਪ੍ਰਸਾਦ ਪਾਂਡਾ ਨੂੰ ਟ੍ਰਾਂਸਪੋਰਟੇਸ਼ਨ ਮਿਨਿਸਟਰੀ ਦੇ ਦਿੱਤੀ ਗਈ ਹੈ।
ਗੌਰਤਲਬ ਹੈ ਕਿ ਕੈਬਨਿਟ ਮਿਨਿਸਟਰ ਟ੍ਰੈਵਿਸ ਟੋਜ਼, ਰੇਬੇਕਾ ਸ਼ੁਲਜ਼ ਤੇ ਰਾਜਨ ਸਵਾਮੀ ਵੱਲੋਂ ਪਾਰਟੀ ਲੀਡਰਸ਼ਿਪ ਦੀ ਚੋਣ ਲੜਨ ਲਈ ਅਸਤੀਫ਼ਾ ਦੇਣ ਮਗਰੋਂ ਕੈਬਨਿਟ ਵਿਚ ਫੇਰਬਦਲ ਕਰਨ ਦੀ ਲੋੜ ਪਈ ਹੈ। ਨਵੇਂ ਲੀਡਰ ਦੀ ਚੋਣ 6 ਅਕਤੂਬਰ ਨੂੰ ਕੀਤੀ ਜਾਣੀ ਹੈ।
