17.22C Vancouver 17.22C VancouverNov 3, 2023 6:03 PM - The Canadian Press
ਅਲਬਰਟਾ ਵਿੱਚ ਹੁਣ ਪਬਲਿਕ ਹੈਲਥ ਐਮਰਜੈਂਸੀ ਦੀ ਸਥਿਤੀ ਵਿੱਚ ਫਾਈਨਲ ਫੈਸਲਾ ਸਰਕਾਰ ਦਾ ਹੀ ਹੋਵੇਗਾ ਨਾ ਕਿ ਚੀਫ਼ ਮੈਡੀਕਲ ਮਾਹਰ ਇਸ ਨੂੰ ਲਾਗੂ ਕਰ ਸਕਣਗੇ।
ਸੂਬਾ ਸਰਕਾਰ ਨੇ ਇਸ ਸੰਬੰਧੀ ਪਬਲਿਕ ਹੈਲਥ ਐਕਟ ਵਿੱਚ ਤਬਦੀਲੀਆਂ ਲਈ ਬਿੱਲ ਪੇਸ਼ ਕਰ ਦਿੱਤਾ ਹੈ।
ਇਸ ਤਹਿਤ ਮੈਡੀਕਲ ਅਫਸਰਾਂ ਤੋਂ ਫੈਸਲਾ ਲੈਣ ਦੀਆਂ ਸ਼ਕਤੀਆਂ ਸਰਕਾਰ ਆਪਣੇ ਹੱਥਾਂ ਵਿੱਚ ਲੈ ਰਹੀ ਹੈ।
ਨਿਆਂ ਮੰਤਰੀ ਮਿਕੀ ਐਮਰੀ ਨੇ ਵੀਰਵਾਰ ਸ਼ਾਮ ਵਿਧਾਨ ਸਭਾ ਵਿੱਚ ਐਕਟ ਵਿੱਚ ਤਬਦੀਲੀ ਲਈ ਬਿੱਲ 6 ਟੇਬਲ 'ਤੇ ਲਿਆਂਦਾ।
ਐਮਰੀ ਨੇ ਕਿਹਾ ਕਿ ਲੋਕ ਵਿਧਾਇਕ ਨੂੰ ਇਸ ਲਈ ਚੁਣਦੇ ਹਨ ਤਾਂ ਜੋ ਉਨ੍ਹਾਂ ਦੇ ਵੱਲੋਂ ਉਹ ਵੱਢੇ ਫੈਸਲੇ ਲੈ ਸਕਣ, ਇਸ ਲਈ ਇਹ ਜ਼ਰੂਰੀ ਹੈ ਕਿ ਪਬਲਿਕ ਹੈਲਥ ਐਮਰਜੈਂਸੀ ਦੌਰਾਨ ਕੋਈ ਵੀ ਅੰਤਿਮ ਫੈਸਲਾ ਜਨਤਾ ਦੇ ਚੁਣੇ ਗਏ ਨੁਮਾਇੰਦੇ ਲੈਣ।
ਗੌਰਤਲਬ ਹੈ ਕਿ ਅਗਸਤ ਵਿੱਚ ਅਦਾਲਤ ਨੇ ਐਡਮਿੰਟਨ ਖੇਤਰ ਦੇ ਪਾਦਰੀ ਅਤੇ ਚਰਚ ਖਿਲਾਫ ਹੈਲਥ ਚਾਰਜਸ ਇਹ ਕਹਿ ਕੇ ਰੱਦ ਕਰ ਦਿੱਤੇ ਸਨ ਕਿ ਤਤਕਾਲੀ ਪ੍ਰੀਮੀਅਰ ਜੇਸਨ ਕੇਨੀ ਦੀ ਸਰਕਾਰ ਨੇ ਪਬਲਿਕ ਹੈਲਥ ਐਕਟ ਤਹਿਤ ਜੋ ਹੁਕਮ ਲਾਗੂ ਕੀਤੇ ਸਨ ਉਹ ਗਲਤ ਸਨ ਕਿਉਂਕਿ ਇਹ ਫੈਸਲਾ ਲੈਣ ਦੀ ਜ਼ਿੰਮੇਵਾਰੀ ਚੀਫ਼ ਮੈਡੀਕਲ ਅਫ਼ਸਰ ਦੀ ਸੀ, ਇਸ ਲਈ ਸਮਿਥ ਸਰਕਾਰ ਨੇ ਫੈਸਲਾ ਲੈਣ ਦੀ ਪੂਰੀ ਜ਼ਿੰਮੇਵਾਰੀ ਕੈਬਨਿਟ ਕੋਲ ਰਹਿਣ ਲਈ ਕਾਨੂੰਨ ਪੇਸ਼ ਕੀਤਾ ਹੈ।
