18.06C Vancouver 18.06C VancouverApr 26, 2022 10:19 PM - The Canadian Press
ਐਲਬਰਟਾ 'ਚ ਇੱਕ ਸਕੂਲ 'ਚ ਵਿਦਿਆਰਥੀ 'ਤੇ ਚਾਕੂ ਨਾਲ ਹੋਏ ਹਮਲੇ ਦੇ ਮਾਮਲੇ 'ਚ ਇੱਕ 16 ਸਾਲਾ ਲੜਕੇ 'ਤੇ ਦੋਸ਼ ਲੱਗੇ ਹਨ।
ਸੈਂਟਰਲ ਐਲਬਰਟਾ ਦੇ ਸਕੂਲ ਦੀ ਲਾਈਬ੍ਰੇਰੀ 'ਚ ਚਾਕੂ ਨਾਲ ਹਮਲੇ ਦੀ ਵਾਰਦਾਤ ਵਾਪਰੀ ਸੀ।
ਮਾਮਲਾ ਸੋਮਵਾਰ ਦਾ ਹੈ ਅਤੇ ਘਟਨਾ ਫੈਲੁਨ ਦੇ ਇਲਾਕੇ 'ਚ ਸਥਿਤ ਪਿਜਨ ਲੇਕ ਰੀਜਨਲ ਸੈਕੰਡਰੀ ਸਕੂਲ 'ਚ ਵਾਪਰੀ ਸੀ।
ਇਹ ਇਲਾਕਾ ਐਡਮਿੰਟਨ ਤੋਂ ਕਰੀਬ 80km ਦੀ ਦੂਰੀ 'ਤੇ ਸਥਿਤ ਹੈ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੜਕੇ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ ਅਤੇ ਉਸ ਦੀ ਕੋਰਟ 'ਚ ਪੇਸ਼ੀ ਹੋਣਾ ਬਾਕੀ ਹੈ।
ਜਾਣਕਾਰੀ ਦਿੱਤੀ ਗਈ ਕਿ 16 ਸਾਲਾ ਪੀੜਤ ਦੀ ਸਰਜਰੀ ਕੀਤੀ ਗਈ ਹੈ ਅਤੇ ਉਹ ਹਸਪਤਾਲ ਦੇ ਵਿੱਚ ਸਥਿਰ ਹਾਲਤ ਦੇ ਵਿੱਚ ਹੈ।
ਪੁਲਿਸ ਅਧਿਕਾਰੀ ਦਾ ਕਹਿਣਾ ਸੀ ਕਿ ਦੋਵੇਂ ਲੋਕ ਸਕੂਲ ਦੇ ਵਿਦਿਆਰਥੀ ਸਨ ਅਤੇ ਇੱਕ ਦੂਜੇ ਨੂੰ ਜਾਣਦੇ ਸਨ।
ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਘਟਨਾ ਪਿੱਛੇ ਦਾ ਕਾਰਨ ਕੀ ਸੀ।
ਗਰੇਡ 7 ਤੋਂ 12 ਦੇ ਕਰੀਬ 250 ਵਿਦਿਆਰਥੀ ਸਕੂਲ ਅਟੈਂਡ ਕਰਦੇ ਹਨ ਅਤੇ ਕੁਝ ਵਿਦਿਆਰਥੀਆਂ ਅਤੇ ਸਟਾਫ਼ ਨੇ ਲਾਈਬ੍ਰੇਰੀ 'ਚ ਹਮਲਾ ਹੁੰਦੇ ਵੇਖਿਆ ਸੀ।
