15.08C Vancouver 15.08C VancouverMay 13, 2022 6:29 PM - THE CANADIAN PRESS
ਮਹਾਮਾਰੀ ਦੇ ਦੌਰ ਵਿਚਕਾਰ ਅਲਬਰਟਾ ਸਰਕਾਰ ਨੇ ਹਸਪਤਾਲਾਂ ਨੂੰ ਲੈ ਕੇ ਚਿੰਤਾ ਪ੍ਰਗਟ ਕੀਤੀ ਹੈ। ਪ੍ਰੀਮੀਅਰ ਜੇਸਨ ਕੈਨੀ ਨੇ ਕਿਹਾ ਕਿ ਕੋਵਿਡ-19 ਮਹਾਮਾਰੀ ਦੌਰਾਨ ਹਸਪਤਾਲਾਂ ਵਿਚ ਸਮਰੱਥਾ ਵਧਾਉਣ ਲਈ ਅਹਿਮ ਕਦਮ ਚੁੱਕੇ ਜਾਣ ਦੇ ਬਾਵਜੂਦ ਅਜੇ ਵੀ ਇਹ ਦਬਾਅ ਦਾ ਸਾਹਮਣਾ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਮਾਰਚ ਬਜਟ ਵਿਚ 50 ਨਵੇਂ ਇੰਟੈਸਿਵ ਕੇਅਰ ਬੈੱਡਸ ਦਾ ਵਾਅਦਾ ਕੀਤਾ ਗਿਆ ਸੀ, ਜਿਨ੍ਹਾਂ ਵਿਚੋਂ 19 ਉਪਲਬਧ ਹੋ ਗਏ ਹਨ ਅਤੇ ਇਨ੍ਹਾਂ ਵਿਚ ਰੈਸਪੀਰੇਟਰੀ ਥੈਰੇਪਿਸਟਸਾਂ ਤੇ ਨਰਸਾਂ ਸਣੇ ਨਵੇਂ ਸਪੈਸ਼ਲਿਸਟ ਰੱਖੇ ਗਏ ਹਨ।
ਪ੍ਰੀਮੀਅਰ ਜੇਸਨ ਕੈਨੀ ਨੇ ਕਿਹਾ ਕਿ ਬਾਕੀ ਬਚੇ ਇੰਟੈਸਿਵ ਕੇਅਰ ਬੈੱਡ ਖੁੱਲ੍ਹ ਜਾਣ ਤੋਂ ਬਾਅਦ ਸੂਬੇ ਵਿਚ ਇਨ੍ਹਾਂ ਦੀ ਕਮੀ ਨਹੀਂ ਰਹੇਗੀ।
ਸਿਹਤ ਮੰਤਰੀ ਜੈਸਨ ਕੋਪਿੰਗ ਨੇ ਕਿਹਾ ਕਿ ਨਵੇਂ ਬੈੱਡਾਂ ਦੇ ਨਾਲ ਵੀ ਕੋਵਿਡ-19 ਮਰੀਜ਼ਾ ਜ਼ਿਆਦਾ ਹੋਣ ਕਾਰਨ ਹਸਪਤਾਲ ਗੰਭੀਰ ਦਬਾਅ ਹੇਠ ਹਨ। ਉੱਥੇ ਹੀ, ਵਿਰੋਧੀ ਧਿਰ ਐੱਨ. ਡੀ. ਪੀ. ਨੇ ਸਰਕਾਰ 'ਤੇ ਨਿਸ਼ਾਨਾ ਵਿੰਨ੍ਹਦਿਆਂ ਕਿਹਾ ਕਿ ਸੂਬਾ ਸਮੱਸਿਆ ਨੂੰ ਅਣਡਿੱਠਾ ਕਰਦੇ ਹੋਏ ਲੱਛਣਾਂ ਦਾ ਇਲਾਜ ਕਰ ਰਿਹਾ ਹੈ। ਐੱਨ. ਡੀ. ਪੀ. ਨੇ ਕਿਹਾ ਕਿ ਅਲਬਰਟਾ ਨੂੰ ਜ਼ਿਆਦਾ ਫੈਮਲੀ ਡਾਕਟਰਾਂ ਦੀ ਲੋੜ ਹੈ ਪਰ ਯੂਨਾਈਟਿਡ ਕੰਜ਼ਰਵੇਟਿਵ ਸਰਕਾਰ ਦੀ ਤਨਖਾਹਾਂ ਨੂੰ ਲੈ ਕੇ ਡਾਕਟਰਾਂ, ਨਰਸਾਂ ਨਾਲ ਲੜਾਈ ਅਤੇ ਕੰਮ ਕਰਨ ਦੇ ਹਾਲਾਤ ਦੀ ਵਜ੍ਹਾ ਨਾਲ ਕੇਅਰ ਵਿਚ ਗੰਭੀਰ ਗੈਪ ਪਿਆ ਹੈ।
