ਐਲਬਰਟਾਵਾਸੀਆਂ ਨੂੰ ਨਵੀਂਆਂ ਨੀਤੀਆਂ ਬਾਰੇ ਕੀਤਾ ਜਾ ਰਿਹੈ ਅਪਡੇਟ : ਪ੍ਰੀਮੀਅਰ ਸਮਿਥ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਯੂ.ਸੀ.ਪੀ. ਦੇ ਨਿੱਜੀ ਪ੍ਰੋਗਰਾਮ ਦੌਰਾਨ ਨੀਤੀਆਂ ਦੀਆਂ ਘੋਸ਼ਣਾਵਾਂ ਕਰਨ ਦੇ ਫੈਸਲੇ ਦਾ ਬਚਾਅ ਕੀਤਾ। ਉਨ੍ਹਾਂ ਕਿਹਾ ਕਿ ਅਕਤੂਬਰ ਵਿਚ ਵਿਧਾਨਸਭਾ ਦਾ ਸੈਸ਼ਨ ਸ਼ੁਰੂ ਹੋਣਾ ਹੈ, ਇਸ ਵਿਚ ਪੇਸ਼ ਹੋਣ ਵਾਲੇ ਬਿੱਲ ਲੋਕਾਂ ਲਈ ਹੈਰਾਨ ਕਰਨ ਵਾਲੇ ਨਹੀਂ ਹੁਣੇ ਚਾਹੀਦੇ ਸਗੋਂ ਉਨ੍ਹਾਂ ਨੂੰ ਇਨ੍ਹਾਂ ਬਾਰੇ ਪਹਿਲਾਂ ਤੋਂ ਪਤਾ ਹੋਵੇ ਤਾਂ ਵਧੀਆ ਹੈ।

ਗੌਰਤਲਬ ਹੈ ਕਿ ਹਾਲ ਹੀ ਵਿਚ ਹੋਏ ਪਾਰਟੀ ਦੇ ਨਿੱਜੀ ਇਵੈਂਟ ਵਿਚ ਪ੍ਰੀਮੀਅਰ ਨੇ ਦੱਸਿਆ ਸੀ ਕਿ ਉਹ ਐਬਰਟਾ ਹੈਲਥ ਸਰਵਿਸਸ ਕੋਲੋਂ ਹਸਪਤਾਲਾਂ ਨੂੰ ਚਲਾਉਣ ਦੇ ਅਧਿਕਾਰ ਲੈ ਕੇ ਥਰਡ ਪਾਰਟੀ ਨੂੰ ਦੇਣਗੇ।

ਇਸ ਦੇ ਬਾਅਦ ਉਨ੍ਹਾਂ ਟਰਾਂਸਜੈਂਡਰ ਪੌਲਿਸੀ ਬਾਰੇ ਵੀ ਇਸੇ ਤਰ੍ਹਾਂ ਦੇ ਇਵੈਂਟ ਵਿਚ ਖੁਲ੍ਹਾਸਾ ਕੀਤਾ ਸੀ। ਸਮਿਥ ਨੇ ਕਿਹਾ ਕਿ ਉਹ ਅਲਬਰਟਨਸ ਨਾਲ ਜੁੜੀ ਹੈ ਅਤੇ ਉਨ੍ਹਾਂ ਨਾਲ ਗੱਲਬਾਤ ਕਰਦੀ ਰਹਿੰਦੀ ਹੈ, ਇਸ ਕਰਕੇ ਉਹ ਵਿਧਾਨ ਸਭਾ ਵਿਚ ਪੇਸ਼ ਹੋਣ ਵਾਲੇ ਸਾਰੇ ਬਿੱਲਾਂ ਬਾਰੇ ਲੋਕਾਂ ਨੂੰ ਜਾਣੂ ਕਰਵਾਉਂਦੇ ਰਹਿੰਦੇ ਹਨ।