15.74C Vancouver 15.74C VancouverSep 29, 2025 5:37 PM - The Canadian Press
ਓਨਟਾਰਓ ਦੀ ਕੰਪਨੀ ਅਲਗੋਮਾ ਸਟੀਲ ਗਰੁੱਪ ਇੰਕ. ਨੂੰ ਅਮਰੀਕਾ ਵੱਲੋਂ ਲਗਾਏ ਗਏ ਟੈਰਿਫਾਂ ਕਾਰਨ ਹੋ ਰਹੇ ਨੁਕਸਾਨ ਨਾਲ ਨਜਿੱਠਣ ਲਈ ਫੈਡਰਲ ਅਤੇ ਸੂਬਾ ਸਰਕਾਰ ਵੱਲੋਂ ਸਹਾਇਤਾ ਦੇ ਤੌਰ ‘ਤੇ $500 ਮਿਲੀਅਨ ਦਾ ਕਰਜ਼ਾ ਦਿੱਤਾ ਜਾਵੇਗਾ। ਔਟਵਾ ਦਾ ਕਹਿਣਾ ਹੈ ਕਿ ਕੰਪਨੀ ਦੀ ਵਿੱਤੀ ਸਹਾਇਤਾ ਲਈ $400 ਮਿਲੀਅਨ ਲਾਰਜ ਇੰਟਰਪ੍ਰਾਈਜ਼ ਟੈਰਿਫ ਲੋਨ ਪ੍ਰੋਗਰਾਮ ਤਹਿਤ ਦਿੱਤਾ ਜਾਵੇਗਾ।
ਇਸ ਤੋਂ ਇਲਾਵਾ ਓਨਟਾਰੀਓ ਸਰਕਾਰ ਸਾਲਟ ਸੈਂਟ ਮੈਰੀ ਕੰਪਨੀ ਨੂੰ ਵੀ $100 ਮਿਲੀਅਨ ਦੀ ਸਹਾਇਤਾ ਪ੍ਰਦਾਨ ਕਰੇਗੀ।ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਅਮਰੀਕਾ ਵੱਲੋਂ ਸਟੀਲ ਸੈਕਟਰ ‘ਤੇ ਲਗਾਏ ਗਏ ਟੈਰਿਫ ਕੰਪਨੀਆਂ ਨੂੰ ਵੱਡੇ ਪੱਧਰ ‘ਤੇ ਪ੍ਰਭਾਵਿਤ ਕਰ ਰਹੇ ਹਨ। ਓਨਟਾਰੀਓ ਨੇ ਟੈਰਿਫਾਂ ਤੋਂ ਪ੍ਰਭਾਵਿਤ ਕੰਪਨੀਆਂ ਦੇ ਸਮਰਥਨ ਲਈ ਮਾਰਚ ਵਿੱਚ $10 ਬਿਲੀਅਨ ਵਿੱਤੀ ਪ੍ਰੋਗਰਾਮ ਪੇਸ਼ ਕੀਤਾ ਸੀ।
ਇਹ ਕਰਜ਼ੇ ਕੰਪਨੀਆਂ ਨੂੰ ਕੰਮ ਜਾਰੀ ਰੱਖਣ, ਕਰਮਚਾਰੀਆਂ ਨੂੰ ਬਿਨਾਂ ਰੁਕਾਵਟ ਦੇ ਕੰਮ ਕਰਨ ਅਤੇ ਇੱਕ ਅਜਿਹੇ ਕਾਰੋਬਾਰ ਮਾਡਲ ਨੂੰ ਸੈੱਟ ਕਰਨ ਲਈ ਦਿੱਤੇ ਜਾ ਰਹੇ ਹਨ ਜਿਸ ਨਾਲ ਅਮਰੀਕਾ ‘ਤੇ ਨਿਰਭਰਤਾ ਨੂੰ ਖਤਮ ਕੀਤੀ ਜਾ ਸਕੇਗੀ।
