23.31C Vancouver 23.31C VancouverOct 8, 2025 6:41 PM - The Canadian Press
ਬੀ. ਸੀ. ਵਿਚ ਪਬਲਿਕ ਸਰਵਿਸ ਵਰਕਰ ਦੀ ਹੜਤਾਲ ਵਧਣ ਕਾਰਨ ਸਰਕਾਰ ਵਲੋਂ ਚਲਾਏ ਜਾਂਦੇ ਸਾਰੇ ਸ਼ਰਾਬ ਅਤੇ ਕੈਨਾਬਿਸ ਸਟੋਰ ਬੰਦ ਹੋ ਗਏ ਹਨ। ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਨੇ ਬੁੱਧਵਾਰ ਨੂੰ ਹੜਤਾਲ ਦੀ ਕਾਰਵਾਈ ਵਧਾਏ ਜਾਣ ਦਾ ਐਲਾਨ ਕੀਤਾ। ਇਸ ਨਾਲ ਹੋਰ ਸਰਵਿਸ ਲੋਕੇਸ਼ਨ ਵੀ ਪ੍ਰਭਾਵਿਤ ਹੋਣ ਦਾ ਖ਼ਦਸ਼ਾ ਹੈ।
ਯੂਨੀਅਨ ਦੇ ਪ੍ਰਧਾਨ ਪਾਲ ਫਿੰਚ ਨੇ ਬਿਆਨ ਵਿਚ ਕਿਹਾ ਕਿ ਅਸੀਂ ਜਾਣਦੇ ਹਾਂ ਕਿ ਸਰਕਾਰੀ ਸਰਵਿਸਿਜ਼ ਵਿਚ ਰੁਕਾਵਟ ਨਾਲ ਲੋਕਾਂ ਲਈ ਮੁਸ਼ਕਲ ਪੈਦਾ ਹੋ ਰਹੀ ਹੈ ਅਤੇ ਸਾਨੂੰ ਇਸ ਦਾ ਅਫ਼ਸੋਸ ਹੈ। ਉਨ੍ਹਾਂ ਕਿਹਾ ਕਿ ਮਹੀਨਿਆਂ ਦੇ ਸਬਰ ਤੋਂ ਬਾਅਦ ਸਾਡੇ ਮੈਂਬਰਾਂ ਕੋਲ ਕੋਈ ਹੋਰ ਵਿਕਲਪ ਨਹੀਂ ਬਚਿਆ ਹੈ। ਫਿੰਚ ਨੇ ਕਿਹਾ ਕਿ ਯੂਨੀਅਨ ਦੀ ਸੂਬਾ ਪੱਧਰੀ ਹੜਤਾਲ ਵਿਚ ਹੁਣ ਲਗਭਗ 25,000 ਵਰਕਰ ਸ਼ਾਮਲ ਹਨ।
ਉਨ੍ਹਾਂ ਕਿਹਾ ਕਿ ਸਾਡੀ ਸੌਦੇਬਾਜ਼ੀ ਕਮੇਟੀ ਗੱਲਬਾਤ ਦੀ ਮੇਜ 'ਤੇ ਵਾਪਸ ਆਉਣ ਲਈ ਤਿਆਰ ਹੈ, ਬਸ਼ਰਤੇ ਸਰਕਾਰ ਤਨਖ਼ਾਹਾਂ ਵਿਚ ਵਾਧੇ ਦੇ ਨਵੇਂ ਪ੍ਰਸਤਾਵ ਨਾਲ ਅੱਗੇ ਆਵੇ। ਉਥੇ ਹੀ ਸੂਬੇ ਦਾ ਅਨੁਮਾਨਿਤ ਘਾਟਾ $11.6 ਬਿਲੀਅਨ ਹੋਣ ਵਿਚਕਾਰ ਵਿੱਤ ਮੰਤਰੀ ਬ੍ਰੈਂਡਾ ਬੈਲੀ ਦਾ ਕਹਿਣਾ ਹੈ ਕਿ ਉਹ ਅਜਿਹੀ ਡੀਲ ਚਾਹੁੰਦੇ ਹਨ ਜੋ ਵਰਕਰ ਅਤੇ ਟੈਕਸਦਾਤਾ ਦੇ ਹਿੱਤ ਵਿਚ ਹੋਵੇ।
