11.3C Vancouver 11.3C VancouverJun 25, 2020 11:21 PM -
ਫੈਡਰਲ ਕੰਜ਼ਰਵੇਟਿਵਜ਼ ਨੇ ਮੰਗ ਕੀਤੀ ਹੈ ਕਿ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ ਦਾ ਲਾਹਾ ਲੈਣ ਵਾਲਿਆਂ ਨੂੰ 'ਬੋਨਸ' ਦੀ ਪੇਸ਼ਕਸ਼ ਕੀਤੀ ਜਾਵੇ, ਅਤੇ ਉਨ੍ਹਾਂ ਨੂੰ ਕੰਮ 'ਤੇ ਪਰਤਣ ਲਈ ਪ੍ਰੇਰਿਤ ਕੀਤਾ ਜਾਵੇ।
ਵਿਰੋਧੀ ਲੀਡਰ ਐਂਡਰਿਊ ਸ਼ੀਅਰ ਨੇ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਕੋਵਿਡ-19 ਦੇ ਵਿੱਤੀ ਹਾਲਾਤਾਂ ਨਾਲ ਨਜਿੱਠਣ ਲਈ ਯੋਗਤਾ ਸੰਬੰਧੀ ਵੀ 'ਫੇਲ੍ਹ' ਹੋਇਆ ਕਰਾਰ ਦਿੱਤਾ ਹੈ।
ਕੰਜ਼ਰਵੇਟਿਵਜ਼ ਦੇ 'ਬੈਕ ਟੁ ਵਰਕ ਬੋਨਸ' ਪਲੈਨ ਤਹਿਤ ਜਿਹੜੇ ਕਨੇਡੀਅਨਜ਼ ਨੇ ਪੈਂਡੇਮਿਕ ਕਾਰਨ ਕੰਮ ਗਵਾਏ, ਉਨ੍ਹਾਂ ਨੂੰ ਸੀ.ਈ.ਆਰ.ਬੀ. ਦੇ ਫਾਇਦੇ ਮਿਲਦੇ ਰਹਿਣਗੇ, ਪਰ ਨਾਲ ਹੀ ਕੰਮ 'ਤੇ ਪਰਤਣ ਨਾਲ ਉਨ੍ਹਾਂ ਨੂੰ ਤਨਖਾਹ ਵੀ ਮਿਲ ਸਕੇਗੀ।
ਕੰਜ਼ਰਵੇਟਿਵਜ਼ ਅਨੁਸਾਰ ਇਸ ਪਲੈਨ 'ਚ ਇੱਕ ਤੋਂ ਪੰਜ ਹਜ਼ਾਰ ਤੱਕ ਦੀ ਤਨਖ਼ਾਹ ਹਾਸਿਲ ਕਰਨ ਵਾਲਿਆਂ ਨੂੰ ਸ਼ਾਮਿਲ ਕੀਤਾ ਜਾ ਸਕਦਾ ਹੈ।
ਸਮੇਂ ਦੇ ਨਾਲ ਇਨ੍ਹਾਂ ਲਾਭ ਹਾਸਿਲ ਕਰਨ ਵਾਲਿਆਂ ਨੂੰ ਸੀ.ਈ.ਆਰ.ਬੀ. ਤੋਂ ਹਟਾ ਲਿਆ ਜਾਵੇਗਾ।
