12.77C Vancouver 12.77C VancouverOct 10, 2020 12:29 AM -
ਕੈਪਿਲਾਨੋ ਦਰਿਆ 'ਚ ਪਾਣੀ ਦੇ ਪੱਧਰ 'ਚ ਆਉਂਦੇ ਵਾਧੇ ਅਤੇ ਘਾਟੇ ਬਾਰੇ ਇਲਾਕੇ 'ਚ ਮੱਛੀ ਫੜਦੇ ਲੋਕਾਂ, ਕਿਆਕਿੰਗ ਕਰਦੇ ਲੋਕਾਂ, ਅਤੇ ਹਾਈਕਰਸ ਨੂੰ ਆਗਾਹ ਕੀਤਾ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਦਰਿਆ ਦਾ ਸਪਿਲਵੇਅ ਗੇਟ ਸੇਵਾ 'ਚ ਨਹੀਂ ਹੈ।
ਮੈਟਰੋ ਵੈਨਕੂਵਰ ਦਾ ਕਹਿਣਾ ਹੈ ਕਿ ਨੌਰਥ ਵੈਨਕੂਵਰ 'ਚ ਕਲੀਵਲੈਂਡ ਡੈਮ ਦਾ ਗੇਟ, ਪੂਰੀ ਸਰਦੀ ਦੌਰਾਨ ਸਰਵਿਸ 'ਚ ਨਹੀਂ ਰਹੇਗਾ।
ਇਸ ਗੇਟ ਦੇ ਆਪ੍ਰੇਸ਼ਨ 'ਚ ਨਾ ਹੋਣ ਕਾਰਨ ਦਰਿਆ 'ਚ ਪਾਣੀ ਦਾ ਪੱਧਰ ਅਚਾਨਕ ਉੱਤੇ ਜਾਂ ਥੱਲੇ ਹੋ ਸਕਦਾ ਹੈ।
ਲੋਅਰ ਮੇਨਲੈਂਡ ਲਈ ਪਾਣੀ ਦਾ ਮੁੱਖ ਰੈਜ਼ਰਵੌਇਰ ਸਾਬਿਤ ਹੋਣ ਵਾਲੀ ਲੇਕ ਕਾਰਨ, ਦਰਿਆ 'ਚ ਪਾਣੀ ਦੇ ਅਚਾਨਕ ਵਧਣ ਜਾਂ ਘਟਣ ਦੀ ਗੱਲ ਕੀਤੀ ਗਈ ਹੈ।
ਮੈਟਰੋ ਵੈਨਕੂਵਰ ਦਾ ਕਹਿਣਾ ਹੈ ਕਿ ਕੈਪੀਲਾਨੋ ਰਿਵਰ ਰੀਜਨਲ ਪਾਰਕ ਦੇ ਦਾਖਿਲੇ 'ਤੇ ਇਲੈਕਟ੍ਰੌਨਿਕ ਚਿੰਨ੍ਹ ਲਗਾਏ ਗਏ ਹਨ, ਜਿਸ ਨਾਲ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ਖਰਾਬ ਮੌਸਮ ਜਾਂ ਬਾਰਿਸ਼ ਦੇ ਵਿੱਚ ਪਾਣੀ 'ਚ ਅਚਾਨਕ ਵਾਧਾ ਹੋ ਸਕਦਾ ਹੈ।
ਯਾਦ ਰਹੇ ਡੈਮ ਦੇ ਸਪਿਲਵੇਅ ਗੇਟ ਨੂੰ ਬੀਤੇ ਹਫ਼ਤੇ ਗਲਤੀ ਨਾਲ ਖੋਲ੍ਹਣ ਤੋਂ ਬਾਅਦ ਦੋ ਲੋਕ ਰੁੜ੍ਹ ਗਏ ਸਨ।
