10.83C Vancouver 10.83C VancouverFeb 17, 2020 8:25 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ, ਇੰਸੀਡੈਂਟ ਰਿਸਪਾਂਸ ਟੀਮ (Incident Response team) ਨਾਲ, ਦੇਸ਼ ਭਰ 'ਚ ਜਾਰੀ ਐਂਟੀ ਪਾਈਪਲਾਈਨ ਪ੍ਰਦਰਸ਼ਨਾਂ, ਅਤੇ ਰੇਲ ਅੜਿੱਕਿਆਂ ਨੂੰ ਲੈਕੇ ਬੈਠਕ ਕੀਤੀ ਹੈ।
ਇਹ ਬੈਠਕ ਕਰੀਬ 90 ਮਿਨਟ ਤਕ ਜਾਰੀ ਰਹੀ।
ਪਰ ਇਸ ਬੈਠਕ 'ਚ ਵੀ ਪੂਰੇ ਮਸਲੇ ਨੂੰ ਲੈਕੇ ਕੋਈ ਸਕਾਰਾਤਮਕ ਨਤੀਜੇ ਨਾ ਨਿਕਲ ਸਕੇ।
ਇਨ੍ਹਾਂ ਰੇਲ ਅੜਿੱਕਿਆਂ ਨੂੰ ਲੈਕੇ, ਦੇਸ਼ ਭਰ 'ਚ ਰੇਲ ਸੇਵਾਵਾਂ ਪ੍ਰਭਾਵਿਤ ਹੋ ਰਹੀਆਂ ਹਨ। ਇਸ ਗਰੁੱਪ 'ਚ ਸਿਨਿਯਰ ਕੈਬਿਨੇਟ ਮੈਂਬਰ ਵੀ ਸ਼ਾਮਿਲ ਸਨ।
ਬੈਠਕ 'ਚ ਉੱਤਰੀ ਬੀ.ਸੀ. 'ਚ ਸਥਿਤ ਵੈਟ'ਸੁਵੈਟ'ਐਨ ਇਲਾਕੇ ਤੋਂ ਹੋਕੇ ਲੰਘਣ ਵਾਲੀ ਪਾਈਪਲਾਈਨ ਨੂੰ ਲੈਕੇ ਗੱਲਬਾਤ ਕੀਤੀ ਗਈ, ਜਿਸਦੇ ਕਾਰਨ ਵੱਖ-ਵੱਖ ਇਲਾਕਿਆਂ 'ਚ ਪ੍ਰਦਰਸ਼ਨ ਜਾਰੀ ਹਨ।
ਹਾਲਾਂਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ, ਇਸ ਮਾਮਲੇ 'ਚ ਅੱਗੇ ਦੀ ਪ੍ਰਕਿਰਿਆ ਆਸਾਨ ਨਹੀਂ ਰਹਿਣ ਵਾਲੀ, ਕਿਉਂਕਿ ਸਿਆਸਤਦਾਨਾਂ ਅਤੇ ਪੁਲਿਸ ਦਾ ਵੀ ਇੰਡੀਜਨਸ ਗਰੁੱਪਸ ਨਾਲ ਵਿਵਾਦ ਕਾਫੀ ਵਧ ਚੁੱਕਿਆ ਹੈ।
ਇਸ ਬੈਠਕ ਬਾਰੇ ਕੱਲ ਹੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਟਵੀਟ ਕਰਕੇ ਵੀ ਜਾਣਕਾਰੀ ਸਾਂਝੀ ਕੀਤੀ ਸੀ।
ਯਾਦ ਰਹੇ ਐਤਵਾਰ ਨੂੰ ਖਬਰਾਂ ਆਈਆਂ ਸਨ ਕਿ, ਪ੍ਰਧਾਨ ਮੰਤਰੀ ਨੇ ਇਨ੍ਹਾਂ ਪ੍ਰਦਰਸ਼ਨਾਂ ਦੇ ਚਲਦੇ, ਆਪਣਾ ਇਸੇ ਹਫਤੇ ਦਾ ਕੈਰਿਬੀਆਈ ਦੌਰਾ ਵੀ ਰੱਦ ਕਰ ਦਿੱਤਾ ਸੀ।
